E fundit!

20:52 Politikë

Qëndrimet ndaj Tahir Sinanit dhe UÇK-së/ PD: Akt antishqiptar i orkestruar nga Rama

Partia Demokratike ka reaguar sot lidhur me qëndrimet e kr...

Policia e Korçës bën “kërdinë”/ Prangosen dy persona, procedohen katër të tjerë

26 Gusht 2021, 10:48, Kronika CNA

Drejtoria Vendore e Policisë së Korçës bën të ditur se ka vënë në pranga dy persona, ndërsa katër të tjerë janë proceduar penalisht, pasi akuzohen për vepra të ndryshme penale.

Kështu mësohet se Policia e Pogradecit, ka bërë ndalimin e shtetasit në kërkim G. O., 46 vjeç, banues në Tiranë.

Ky shtetas është ndaluar, pasi Prokuroria pranë Gjykatës së Shkallës së Parë Pogradec, me vendimin e datës 13.07.2021, ka urdhëruar ndalimin e tij për veprën penale ?Marrëdhënie seksuale me dhunë me të rritura? mbetur në tentativë, pasi më datë 09.07.2021, ky shtetas, në lagjen nr. 4, Pogradec, ka tentuar të kryejë marrëdhenie seksuale me një 41-vjeçare, pa pëlqimin e saj.

Gjithashtu, nga strukturat e mësipërme, u bë arrestimi në flagrancë i shtetases A. G., 16 vjeçe, banuese në Pogradec dhe filloi procedimi penal për një të mitur tjetër, pasi në lagjen nr. 1, Pogradec, në bashkëpunim me njëra-tjetrën, këto shtetase kanë vjedhur në banesën e shtetasit V. S., një sasi monetare në dollarë dhe dinarë, e cila iu gjet dhe sekuestrua në cilësinë e provës materiale.

Po ashtu, po nga këto struktura filloi procedimi penal për shtetasit R. I., 34 vjeç, banues në Pogradec, pasi në lagjen nr. 3, gjatë kontrollit fizik këtij shtetasi iu gjet dhe sekuestrua një sasi e vogël me lëndë narkotike të dyshuar heroinë; si edhe E. H., 57 vjeç, banues në fshatin Leshnicë, Pogradec, pasi në fshatin Dardhas, Pogradec, ky shtetas u kap me mjetin furgon tip ?Benz? duke transportuar 3.5 m sterë dru zjarri, pa leje.

Ndërsa, Specialistët për Hetimin e Krimeve në Komisariatin e Policisë Maliq, filluan procedimin penal për shtetasin E. B., 32 vjeç, banues në Maliq, pasi në hyrje të Maliqit, ky shtetas u kap me mjetin tip ?Mitsubishi?, duke transportuar 1 m sterë dru zjarri, pa leje.

Materialet në ngarkim të tyre i kaluan Prokurorive të Rretheve Gjyqësore Pogradec e Korçë për veprime të mëtejshme./CNA.al