web counter
LEXO PA REKLAMA!

SHKARKO APP

App Store
Google Play

E fundit!

x

Foto-Pema e rrallë që Naim Frashëri mbolli në Sarandë 145 vite më parë

22 Gusht 2021, 14:07, Aktualitet CNA

Saranda është një ndër qytetet jugore më me zë të vendit tonë. Që prej gati 145 vitesh, aty, mu në zemër të saj vazhdon të mbahet ende e fortë një pemë shekullore Piperi.

Kjo pemë shekullore është mbjellur nga duart e poetit tonë të madh, Naim Frashëri.

Edhe pse rrotull mungojnë tabelat e informacionit për ta identifikuar këtë pemë, e cila duhet të ishte një monument në mbrojtje, përsëri nga historia e kaluar gojë më gojë thuhet se fidanët e saj kanë ardhur nga Maroku. Këto fidanë janë mbjellur më pas nga poeti Naim Frashëri, i cili në vitet 1874-1876 ka punuar si doganier në Sarandë.

I vetmi orientim për ta parë nga afër këtë pemë, janë banorët e zonës, të cilët do t?ju drejtojnë aty e ndoshta do t?ju tregojnë edhe pak fjalë për historinë e saj.

Pema e Piperit vazhdon të mbajë gjallë kujtimin e Naimit, duke qëndruar kryelartë e duke pritur vizitorët të vijnë të pushojnë qoftë edhe pak çaste nën hijen e saj. Qëndron kryelartë për t?u mësuar atyre se të mirat që mbillen si fara në tokë, rriten dhe lulëzojnë përgjithmonë.

Kjo pemë, e lënë në harresë, kërkon të ruajë kujtimin e ekzistencës së saj./CNA.al





Lajmet e fundit nga