web counter
LEXO PA REKLAMA!

SHKARKO APP

App Store
Google Play

Nën kontroll zjarri në malin e Rrajcës/ Peleshi: Vatrat e tjera nuk paraqesin rrezik

18 Gusht 2021, 11:21, Aktualitet CNA

Ministri i Mbrojtjes, Niko Peleshi, ka bërë me dije se,  zjarri në Malin e Rrajcës, Prrjenjas, është vënë nën kontroll, por puna vijon pasi era mund ta favorizojë duke rrezikuar Parkun Kombëtar të Shebenik-Jabllanicës në kufi me Maqedoninë e Veriut. Ministri është shprehur se vatrat e tjera në vend nuk paraqesin rrezik.

?Forcat e Armatosura dhe zjarrfikësit lokalë kanë vënë nën kontroll zjarrin në Malin e Rrjacës në Prrenjas, por puna vijon pasi era mund ta favorizojë duke rrezikuar Parkun Kombëtar të Shebenik-Jabllanicës në kufi me Maqedoninë e Veriut, ku edhe fqinjët tanë po punojnë në pjesën e tyre.

Mbi 100 forca po luftojnë me flakët në 2 vatra të ndryshme në fshatrat Thirrë dhe Katund i Vjetër në Mirditë, ku tymi i dendur ka vështirësuar ndërhyrjen nga ajri dhe era favorizon flakët.

Në malin e Tërbunit në Pukë dhe fshatin Dardhë në Fushë-Arrëz era dhe terreni po favorizojnë përhapjen e zjarrit, ndërkohë që në këto 2 vatra po punojnë aktualisht në terren rreth 200 forca?, është shprehur ministri.

Ai ka deklaruar se vatrat e tjera në vend nuk paraqesin rrezik të lartë dhe vijon puna e autoriteteve lokale për shuarjen e tyre./ CNA.al





Lajmet e fundit nga