web counter
LEXO PA REKLAMA!

SHKARKO APP

App Store
Google Play

Beteja me zjarret/ Masivi pyjor në Pukë ende nën pushtetin e flakëve

18 Gusht 2021, 10:23, Aktualitet CNA

Masivi pyjor i Tërbunit në Pukë vijon ende të jetë nën pushtetin e flakëve. Ndonëse situata një ditë më parë ishte më e qëtë, nata ka favorizuar përhapjën e flakëve duke shkaktuar vatra te reja zjarri. Kryetari i Bashkise Pukë Gjon Gjonaj thotë, se duhet një tjetër mënyre menaxhimi, pasi nuk mund të ruash 44 mijë hektarë me vetëm 1 roje mjedisore

?Ne prej një jave po luftojmë me flakët. Ne po shohim me sytë tonë zhdukjën e një pasurie që kishim. Era dhe terreni e kanë stimuluar shumë përhapjen e flakëve. Parlamenti duhet të nisë seancën plenare me një hartim dhe planifikim për pyjet. Kemi patur ndihmë edhe nga ajri, por sërish situata mbetet shqetësuese. U rrezikua serjozisht kurora e gjelbër e qytetit e cila është edhe mushkria jonë. Ajo që une dua të them është marrja e masave per ruajtjën e masiveve pyjore.Unë kam 44 mijë hektarë, dy fishin e Shkodrës, dhe unë kam vetëm një roje mjedisore ndërsa Shkodra ka 6 të tillë. Duhet një tjetër formë menaxhimi për pyjet?, ka thënë ai.

Në vatrën e Zjarrit, vendi i  quajtur Qershizë, Fushë Kumulli po punohet për shuarjen e flakëve, por era e fortë e veshtirëson punën e forcave të angazhuara në terren. Zjarri mbetet aktiv në një vijë lineare prej 6 km, sipërfaqe me pyll pishe dhe barishte.

Aktualisht në terren janë të angazhuara forcat e Ushtrisë, Shërbimi Pyjor dhe ai Zjarrfikës. Gjatë ditës së sotme nuk u bë e mundur ndërhyrja nga ajri, për shkak se helikopteret e angazhuar po kryejnë operacione në bashkit e tjera ku zjarret janë pranë zonave të banuara./CNA.al





Lajmet e fundit nga