web counter
LEXO PA REKLAMA!

SHKARKO APP

App Store
Google Play

E fundit!

x

Shqetësuese mungesa e informacionit për afganët në Shqipëri/ Eksperti: Nuk ka siguri se në mesin e tyre nuk ka dhe talebanë

17 Gusht 2021, 19:59, Aktualitet CNA

Eksperti i sigurisë Ermal Jauri tha se dyert e Shqipërisë duhet të jenë të hapura për çdo krizë humanitare, por procesi duhet studiuar për pasojat që do të ketë brenda vendit.

?Nuk ka një organizim të mirë të personave që hipin në avionë dhe trasnportohen në vendet e treta,? ? u shpreh kryetari i shoqatës ?George C.Marshall Albania?, duke e cilësuar kaotike situatën në aeroportin e Kabulit.

Jauri solli në vëmendje se mbi 5000 ekstremistë që vuanin dënimin në burgun e Kabulit tani janë mes banorëve të tjerë.

Infiltrimi i talebanëve në sistemet e sigurisë afgane është arsyeja se përse forcat talebane arritën të marrin pushtetin në pak ditë, sipas ekspertit. Ai kujtoi kapitenin Feti Vogli, dëshmor në një mision në Afganistan, i qëlluar nga një anëtar i policisë afgane i cili ishte i inflirtruar i talebanëve.

Sipas këtij historiku, Jauri tha se në turmat e paorganizuara të afganëve që udhëtojnë nëpër botë nuk ka siguri se në mesin e tyre nuk ka dhe talebanë.

Eksperti mbështeti vendimin e qeverisë së Kosovës që do t?i mbajë refugjatët afganë në qendra të mbyllura duke thënë se strehimi i tyre për një kohë të shkurtër larg zonave të populluara do të ishte një element shumë i sigurisë.

Jauri bëri thirrje për regjistrimin, identifikimin dhe verifikimin e tyre./Euronews





Lajmet e fundit nga