web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Sarajet e Toptanit/ Veliaj sulmon Nishanin dhe Opozitën: Politikanë piromanë

17 Gusht 2021, 06:55, Aktualitet CNA

Kryetari i Bashkisë së Tiranës, Erion Veliaj ka reaguar për zjarrin në Sarajet e Toptanit, në qendër të Tiranës

Me anë të një postimi në rrjete sociale, Veliaj ka përmendur edhe ish Presidentin Bujar Nishani por edhe Opozitën në përgjithësi, duke ua hedhur kështu fajin atyre edhe pse jo në mënyrë të drejtpërdrejtë,  për zjarrin në Sarajet e Toptanit.

Veliaj shprehet i sigurtë se zjarri ka qenë i qëllimtë.

“Mbrëmë në orën 23h 49 Policia Bashkiake pranë AMK – po, ata që sulmonte Presidenti, kanë njoftuar sallën operative për zjarrvënie pranë Monumentit të Kulturës njohur gjerësisht si Sarajet. Në pak minuta zjarrfikësit e Tiranës kanë shuar zjarrin e qëllimtë në 2 vatra?, ka shkruar Veliaj në rrjete sociale.

Sipas tij, në dallim nga shumë objekte për të cilat bëhet zhurmë pa lidhje si Lodrat tek Liqeni apo ngrehina e tallashit te TK, objekti Sarajet është monument kulture.

?Nën stilin e Shkollës Kosova, u tentua djegia e objektit nga dritarja e pasme që pronarët të ndalojnë shpronësimin.

Në mesnatë bisedova me KM  @ediramaal  i cili ka autorizuar shpronësimin e përshpejtuar për Sarajet si një nga aktet e para të qeverise së re.

Ta harrojnë që aty do ketë ndërtim, e ta harrojnë që aty do ketë zjarr gjer sa të bëhet shpronësimi. Nga sot ka nisur regjimi 24 orë me roje!

Ngjarjet do rrjedhin si me poshtë: Shpronësim për 18 pronarët (jo të gjithë janë politikanë piromanë) Shpallje Muze si ish Legata e Parë Amerikane në Tiranë dhe monument kulture, Rikonstruksion dhe hapje për publikun. Mirënjohje zjarrfiksëve & policisë për mbrëmë!”, shkruan më tej Veliaj./CNA.al

Sarajet e Toptanit përfshihen nga flakët/ Dyshime për zjarrvënie të qëllimshme





Lajmet e fundit nga