web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në ‘Sarajet e Toptanasve’/ 18 trashëgimtarët kanë konflikt mes tyre

17 Gusht 2021, 17:04, Aktualitet CNA

Godina e 1830-s ,e njohur si ?Sarajet e Toptanasve?, në qendër të kryeqytetit mori flakë rreth mesnatës.

Zjarri ishte i qëllimshme pasi qytetarët, por dhe kamerat e sigurisë kishin pikasur zjarrvënësin të largohej me shpejtësi nga objekti.

Zjarri ishte vendosur në të dy katet dhe përveç zjarrfikësve kanë qenë qytetarët dhe aktivistët e shoqërisë civile ata të cilët ndihmuan në shuarjen e flakëve. Madje dhe të dokumentonin dëmin që i ishte bërë objektit.

?Ne nuk pretendojmë pronat që nuk i kemi tonat. Ne pretendojmë me milimetra pronat që kemi tonat. Deri ku do arrijmë është tjetër gjë, sepse kundërshtarët janë shumë të mëdhenj?, thonë disa prej trashëgimtarëve.

Për godinën që shërbeu dhe si biblioteka e parë kombëtare apo selia e parë e ambasadës amerikane në Shqipëri, kishin nisur procedurat për ta kthyer në muze.

Por sipas kreut të Kadastrës Artan Lame, disa prej trashëgimtarëve preferonin të ndërtonin diçka tjetër.

?Procedurat e shpronësimit, me sa jam në dijeni, janë në fazën e përmbylljes së tyre dhe ndoshta nga dikush mundësia e djegies është parë si mundësi të fundit për ta ndërprerë këtë proces?, tha ai.

Por zjarri mesa duket vetëm sa i përshpejtoi planet e qeverisë për ta kthyer në muze.

?Parë situatën e krijuar, godina do të shpronësohet me procedurë të përshpejtuar?, tha ministrja e Kulturës Elva Margariti.

Objekti po ruhet 24 orë ndërsa drejtoria Rajonale e Trashëgimisë Kulturore, ka bërë kallëzim me dyshimin se zjarri ishte i qëllimshëm për zhvlerësuar godinën dhe tjetërsimin e funksionit të saj./euronews





Lajmet e fundit nga