web counter
LEXO PA REKLAMA!

SHKARKO APP

App Store
Google Play

E fundit!

x

Afganët në Shqipëri/ Gazetari jep alarmin: Mund të na rrezikojnë

18 Gusht 2021, 11:04, Aktualitet CNA

Gazetari Mentor Kikia ka deklaruar se është i shqetësuar në lidhje me sjelljen e afganëve në vendin tonë.

?Në mbrojtje të rracës së pastër dhe krenare shqiptare.  Mes reagimeve serioze dhe një humori të zi, jo për nga ngjyra, kam ndjekur ?shqetësimin? se ardhja e afganëve (shumë afganëve) mund të na rrezikojë deri edhe asimilimin tonë si rracë e pastër ariane dhe ?modifikimin? e genit.

Mbi këtë alarm ende jo shumë alarmues dhe idenë e Qeverisë për të zëvendësuar shqiptarët që ikin me rraca të tjera ezmere, edhe unë jam shumë i shqetësuar.

E para, sepse vajzat shqiptare mund të martohen lehtësisht me afgane e rraca të tjera që do të vijnë, pasi djemtë kane ikur ne emigracion.

 Dhe e dyta, trazimi i genit tonë do të jete fatal. Ne jemi një rracë e pastër punëtorë, krenare, që nuk durojmë as shtypjen, as talljen, as vjedhjen, as përbuzjen, as mashtrimin?, ka shkruar ai në rrjete sociale.

?E keni parë çfarë i bëjmë qeverisë në fb? Një rracë kaq qytetare, e edukuar, energjike e krenare duhet ruajtur me fanatizëm, e madje duhet shpërndarë edhe në Europën plakë. Pra neve, të na mbajnë jo për të punuar, por për të ripërtërirë rracën europiane.

 Me ardhjen e emigrantëve, ne rrezikojmë të bëhemi një popull që vegjeton kafeneve, që merret vetëm me llafe e thashetheme, intriga e prapaskena, pabesi dhe servilizma, të humbasim edukatën dhe qytetarinë.

Nëse na ngatërrohet geni, rrezikojmë të bëhemi një popull i nënshtruar, e jo rrebel.

 Të humbasim demokracinë dhe parimet tona. E keni degjuar se si afganët shisnin votat dhe nuk e bënë dot demokracinë, edhe me ndihmën e amerikanëve?  Keni parë që si i hedhim plehrat rrugëve? Pa pikë edukate dhe civilizimi.

Larg qoftë që të na vijnë edhe nga rraca e talebanëve, njerëz të egër, që vunë përpara dy perandori kur i pushtuan?, shkruan më tej Kikia.





Lajmet e fundit nga