web counter
LEXO PA REKLAMA!

SHKARKO APP

App Store
Google Play

E fundit!

x

Deputeti socialist “plas” bombën/ “Krimi po përfiton tendera publikë në qarkun e Fierit”

16 Korrik 2021, 11:28, Politikë CNA

Deputeti socialist, Petro Koçi ka bërë një deklaratë të fortë ku shprehet se bota e krimit po përfiton tendera publikë në qarkun e Fierit.

Në një prononcim për Euronews Albania, Koçi ka thënë se lidhja e protagonistëve të botës së krimit me zyrtarë të caktuar, financimi apo lidhja e  subjekteve me bandat kriminale dhe kërcënimi i subjekteve konkurrente, janë tre mënyrat sesi krimi ka shtrirë duart në financat publike.

Gjithashtu, deputeti ka hedhur akuza duke theksuar se nëpërmjet industrisë së ndërtimit po pastrohet paraja e drogës.

Megjithëse nuk ka dhënë emra konkretë, Koçi thotë se tashmë dihen emrat e subjekteve të ndryshme dhe lidhjet me protagonist të botës së krimit që përfitojnë tendera publikë.

?Reagimi im lidhet natyrisht me nivelin lokal, me qarkun e Fierit. Siç dihet Fieri ka një botë krimi që është konsoliduar ndër vite. Është sofistikuar protagonizimi i kësaj bote apo i strukturës kriminale.

Dikur ata kishin një aleancë të drejtpërdrejt me politikën, duke qenë në komisione zgjedhore, sidomos në vitet  ?90 me PD-në. Më vonë janë profilizuar më pak të anshëm politikisht, por kanë kaluar në një tjetër anë, duke legalizuar biznese që sjellin fitime, siç është industria e ndërtimit ku është pastruar paraja e trafikantëve të drogës?, u shpreh Koçi./ CNA.al





Lajmet e fundit nga