E fundit!

13:34 Aktualitet

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

Ministri i Brendshëm, Besfort Lamallari ka vizituar efekti...

Qesharakët e PD/ Basha dhe Bardhi, humbjen e konsiderojnë fitore

16 Korrik 2021, 09:24, Politikë CNA

Partia Demokratike, një ditë më parë përfundoi analizën e saj mbi rezultatin e zgjedhjeve të 25 prillit.

Gjatë analizës së djeshme sërish PD ka bërë fajtore Qeverinë për humbjen në zgjedhje, duke mbajtur linjën e ?masakrës zgjedhore?.

Sipas kreut të PD-së Lulzim Basha, Qeveria bleu votat në bashkëpunim me krimin, e për këtë ka pasur edhe mbështetjen e Policisë së Shtetit.

Pra, retorika e PD me në krye Bashën, për humbjen e zgjedhjeve mbetet e njëjtë pa llogaridhënie. Nga ana tjetër PD ka vlerësuar, se ka arritur rrezultatin maksimal në qarkun e Dibrës, Elbasanit dhe Kukësit.

Në Dibër PD mori 3 nga 5 mandate, në Elbasan 6 nga 14 ndërsa në Kukës 2 nga 3. Ndërkohë PD ka fitur në Dibër dhe në Kukës, por jo në Elbasan.

Madje dhe në Dibër e Kukës, nuk i mori mandatet për të cilat kishte pritshmëri. Ndërsa i radhit këto qarqe në rangun e fituesve, PD dhe Basha, nuk deklarohen nëse ka pasur masakër zgjedhore në këto qarqe.

Se kur thua masakër zgjedhore, nuk mund të thuash se kemi fituar, apo kemi arritur rezultatet e duhura. Ose janë vjedhur zgjedhjet në të gjithë vendin, ose nuk janë vjedhur.

Sipas logjikës dhe Gazment Bardhit, i cili dje është përballur me furtunë kritikash nga figura të tjera të PD, vetëm në tre qarqe nuk paska pasur vjedhje votash.

Si mundet që edhe të vidhen votat ndërkohë nga ana tjetër edhe të fitohet. Lëmë mënjanë Kukësin dhe Dibrën që dolën para Partisë Socialiste, por në Elbasan humbi.

Gazment Bardhi që ishte drejtues politik, la pas një të vrarë në mes të qytetit të Elbasanit dhe më pas humbi në zgjedhje.

Të gjithë shqiptarët e kanë të freskët ngjarjen e 21 Prillit, ku Gazment Bardhi, i cili sot flet si fitues në PD, ?lau? rrugët e Elbasanit me gjak, duke krijuar grupe me paraushtarakë të armatosur.

Pavarësisht këtyre bëmave Gazment Bardhi shfaqet si fitues. Nëse humbjen e konsideron fitore është tjetër, por në Elabasan shifrat flasin qartë.

Demokratët e dinë shumë mirë sa fitoi Gazment Bardhi në Elbasan. PD nën udhëheqjen e Bardhit mori 37.06 % të votave, ndërsa PS mori 55.21 % të votave. Si kandidat Bardhi mori 3 984 vota, i katërti nga kandidatët që garuan në Qarkun e Elbasanit me numër votash.

Ai nuk mund të dilte fitues as si kandidat mes llojit dhe jo më të nxjerrë PD me rezultate të larta në Elbasan./CNA.al