web counter
LEXO PA REKLAMA!

SHKARKO APP

App Store
Google Play

E fundit!

x

Plas “sherri” mes demokratëve/ Zbardhen debatet në mbledhjen e PD

15 Korrik 2021, 16:58, Politikë CNA

Debate të ashpra ka pasur në mbledhjen e kryesisë së Partisë Demokratike pasditen e sotme.

Mësohet se drejtuesit politikë kanë debatuar me sekretarin e përgjithshëm Gazment Bardhi në lidhje me hartimin e dokumentit të analizës së humbjes së zgjedhjeve.

Ndërkohë në debat janë përfshirë, Edmond Spaho, Edi Paloka, Gazment Bardhi dhe Fatbardh Kadilli.

Pjesë nga debatet në mbledhje:

Edmond Spaho: Aty në raport z.Bardhi thua që Korça nuk ka dalë brenda pritshmërive? Si e shpjegon? Unë kam bërë tjetër analizë. Kam marrë rezultatin më të mirë. Kam pasur objektiv 5 mandate, kam fituar 5 mandate.

Edi Paloka: Ky dokument nuk është realist. Nuk pasqyron atë që drejtuesit politik kanë shkruar në raportet e tyre. Duhet ndryshuar dokumenti, nuk mund ta miratojmë në këtë mënyrë si është hartuar. Kështu del sikur njëri ka punuar mirë, një tjetër jo.

Gazment Bardhi: Metodologjia e analizës nuk është bërë nga une, por është bërë sipas një plani të bërë nga konsulentët. Mbi bazën e asaj metodologjie është bërë analiza.

Fatbardh Kadilli: Duhet parë me kujdes rezultati, analiza nxit emulacionin. Dikush më mirë, dikush më keq. Raporti sa i përket faktorëve të jashtëm është i mirë, ndërsa për faktorët e brendshëm nuk kanë dalë evidente, ndërkohë që duhet të kishin dalë.

Gazment Bardhi: Analizën për faktorët e brendshëm, degë më degë do e bëjmë në një fazë të dytë, në shtator.

Fatbardh Kadilli: Në këtë analizë nuk përmenden problematikat që kanë lidhje me përformancën e PD-së, si reagoi struktura, koha e daljes në terren, cilësia e listave./ CNA.al





Lajmet e fundit nga