Një prokuror i rëndësishëm u kap në zyrën e Tushes/ Skandali që po mbahet i fshehur nga SPAK

15 Korrik 2021, 07:10, Politikë CNA

Gazetari Elton Qyno i është rikthyer aksionit të SPAK në Lushnjë, ku u prangos kryebashkiaku Fatos Tushe dhe disa zyrtarë të tjerë.

Sipas tij në këtë aksion ka edhe një detaj që është mbajtur i fshehtë.

Ndër të tjera Qyno ka komentuar punën e SPAK, duke hequr paralele mes rastit të Tushes dhe zëvendësministres së Brendshme Rovena Voda.

?Aksioni i kryer javën e kaluar në qytetin e Lushnjës, ku SPAK-u vuri përpara, zyrtarë të komisioneve të tenderave, dy biznesmenë dhe një kryetar Bashkie si Fatos Tushe, ka kapur dhe një detaj domethënës.

Ky detaj domethënës si çdo herë, nuk është bërë publik nga ana e SPAK-ut, se ashtu i intereson, duke e përdorur me vonë sipas situatës ose duke mos e përdorur fare në vazhdim.

Por e mban në atë koshin e dosjeve të tij.

Ashtu si çështja e Rovena Vodës, që fakti ishte dokumentuar në muajin shkurt 2020, SPAK-u ndërhyn dhe bën goditjen, pikërisht në muajin korrik 2021.

Thuajse 1 vite e gjysëm pas kryerjes së veprës penale.

Tani se kush e ka penguar SPAK-un të ndërhynte dhe ndalonte këto tre gratë, një zot e di.

Por me sa duket prokurorët e SPAK, kanë pritur kohën e mjaftueshme që zv/ministria e Brendshme, të hajë të gjithë arkën me peshk të egër, që ia mori biznesmenes së peshkimit Florida Beu, dhe më pas kanë vepruar, duke i izoluar në ?arrest shtëpie?, ka shkruar ai në rrjetet sociale.

Sipas tij, e njëjta situatë ka ndodhur dhe në aksionin e Lushnjës.

?Gjatë kontrollit të oficerëve të policisë, është gjetur në zyrën e kryebashkiakut të Lushnjës Fatos Tushe, dhe një person tjetër.

Ky person është një prokuror i rëndësishëm i qytetit të Lushnjës, të cilin SPAK-u, e kapi gafil brenda në zyrën e kryebashkiakut Fatos Tushe.

Në atë orar, prokurori duhet të ishte ose në zyrën e tij, ose në sallën e gjyqit.

Po ja që çuditërisht paskash qënë në zyrën e kryebashkiakut Tushe, duke pritur oficerët e policisë.

Sipas informacioneve prokurori në atë zyrë, nuk ishte as për punë dhe as për ti paraprirë aksionit të SPAK-ut, në mënyrë që ta arrestonte i pari Tushen. Por mendohet se ka qënë për punë personale për punë miqësie?, shprehet Qyno.

Ai ka vijuar edhe më tej, duke zbuluar se efektivët e policisë kanë konstatuar ?Firmën 2K?, brenda në zyrën e Tushes, kur kanë mbërritur për ta arrestuar.

?Ku njëri është arrestuar tjetri ka mbetur në prezencë të policëve si i shastisur. Mësohet se me urdhër të drejtuesve të SPAK-ut, policia nuk e ka shoqëruar në komisariat prokurorin e rëndësishëm, por besohet se i ka sekuestruar aparatet telefonike.

Për këtë fakt, SPAK-u dhe Prokuroria e Përgjithshme, është kujdesuar me imtësi që të mos dali asnjë detaj në media. Jam interesuar disa herë për këtë fakt, por SPAK, thotë se këto informacione dhe ky detaj i ?Firmës 2K?, s?duhet të ndahet me publikun e gjerë.

Por sot është si zamet të rruash informacionin. Edhe pse SPAK-u ka nja dy vjet që ka mbyllur dyer e dritare për qytetarët dhe gazetarët, sërisht ka shumë vrima. Është si ?kullonjëse makaronash? që ka rrjedhje të madhe informacioni.

Kjo për faktin se zyrtarët e arrestuar së fundmi dhe ata zyrtarë që do arrestohen në vijim, e dinë 3 apo 4 muaj para që do ndalohen. Ashtu siç e dinte dhe Rovena Voda, ashtu siç e dinte Edlira Naqellari dhe zyrtarët e bashkisë së Lushnjës?, shkruan Qyno./CNA.al