Propozimet për ndryshimet në statutin e PD/ Nishani “nxjerr zbuluar” Bashën, ja çfarë qëllimi ka

14 Korrik 2021, 11:37, Politikë CNA

Ish-presidenti Bujar Nishani ka komentuar propozimet e kreut të PD, Lulzim Basha, për ndryshimet në statutin e partisë.

Në një intervistë për Report tv, Nishani i ka cilësuar si jo serioze dhe dashakeqe propozimet e Bashës për ndryshimet në statut.

Nishani hodhi akuza se Basha me këto propozome kërkon që edhe ato pak formalitete që kanë mbetur në parti të zhbëhen dhe PD të kthehet në zyrë personale e Bashës.

Për Nishanin këto propozime kanë vetëm si qëllim që Këshilli Kombëtar nga organ vendimmarrës të kthehet në një trup këshilluese dhe se çdo gjë të përcaktohet nga kryetari i partisë.

?Mbështes çdo propozim që vjen nga çdo anëtar i PD që bëjnë të mundur hapjen e partisë dhe ringritjen e saj. Propozimet e Bashës janë dashakeqe dhe ato pak formalitete që kishin po zhbëhen të paktën në Këshillin Kombëtar. Sot po tentohet se ky këshill nga në institucion vendim-marrës të kthehet në një trup këshilluese për kryetarin e partisë. Kryesia e PD nuk mundet të jetë e caktuar nga kryetari, por duhet të krijojmë një ambient politik ku të jetë përfaqësuar anëtarësia e PD, nuk është e rëndësishme se si do të jetë organizimi i brendshëm i këshillit kombëtar, por mënyra se si do të krijohet ky këshill dhe si do të përfaqësohen demokratët këtu. Si do të jetë zgjedhja e tyre me vetëkandidim apo me listë nga kryetari i PD, por kështu dhe anëtarësia dhe e rëndësishme se si do të formësohet nga ajo nga kryetari apo me vetëofrimi e vetëkandidim. Një PD që po zhbën dhe ato pak formalitete po shkon drejt një partie që po konsiderohet një zyrë personale e zotit Basha?, tha Nishani.

Po ashtu, Nishani u shpreh se Basha nuk ka vullnet për reformimin e partisë dhe se ai nuk është i aftë të drejtojë një parti të madhe si PD dhe të krijojë një model fitues.

?Nuk ka pasur në këto vite asnjë platformë të qenësishme të integrimit të gjeneratave të reja nga fusha të ndryshme dhe ka larguar influencat pozitive brenda partisë. Basha nuk e ka aftësinë për të qenë lider i një partie kaq të madhe përballë modelit që ka përballë dhe Basha nuk e bën dot këtë nuk krijon dot një model fitues?, tha Nishani.