Meta tentativa për t’i “ikur” burgut/ Dërgon sinjalet e para drejt Ramës

16 Korrik 2021, 07:32, Politikë CNA

Presidenti Ilir Meta, në prag të zgjedhjeve të përgjithshme të 25 Prillit deklaronte, se nëse Edi Rama do të fitonte 71 mandate ?në mënyrë demokratike?, nuk do t?ia jepte dekretin për të formuar qeverinë, por do i dërgonte dorëheqjen e tij në zarf dhe do të dilte nga zyra e kreut të shtetit në bulevard, për të vijuar betejën në opozitë.

?Nëse fiton në mënyrë demokratike, unë atij firmë për kryeministër nuk i jap, por një dorëheqje ja çoj, merre bëje edhe presidentin ti. Unë po ta jap edhe presidentin, unë po dal në bulevard, unë e respektoj vendimin e popullit. Nëse populli i jep 71 mandate unë dal në bulevard dhe iki. Çfarë do të bëj unë një vit më shumë në Presidencë, çfarë do të bëj??, ka thënë Meta, në Syri TV, vetëm dy ditë para zgjedhjeve.

Por zgjedhjet mbaruan, Rama mori 74 mandate dhe Meta as nuk u dorëhoq dhe as nuk doli bulevard.

Ai u hetua nga Komisioni i Posaçëm Parlamentar, që u mbështet nga Kuvendit, i cili dhe votoi edhe shkarkimin e Presidentit.

Tashmë, kur çështja është në Gjykatën Kushtetuese, dhe SPAK ka filluar të “kërcasë” prangat, tek zyrtarët, Meta, është shndërruar një tjetër njeri.

Për më tepër ai ka nisur t?i dërgojë sinjale paqeje kryeministrit Edi Rama nëpërmjet njerëzve të tij.

Duke treguar kështu se është i gatshëm të bashkëpunojë me Ramën, ndoshta për të vijuar mandatin deri në Korrik 2022, por ndoshta edhe për t?i shpëtuar drejtësisë, pasi Meta është zyrtari më i përfolur si i dyshuar për korrupsion.

Ka qenë këshilltari i tij ligjor Bledar Dërvishaj, i cili i ka përcjellë mesazhin e paqes Ramës.

Më 9 shtator pritet të mblidhet Parlamenti i ri i dalë nga zgjedhjet e 25 prillit, por Dërvishaj ka shuar të gjitha pikëpyetjet që mund të bëhen pengesë për mandatimin nga Presidenti Ilir Meta.

Në emisionin ?Breaking?, një ditë më parë ai ka mohuar dyshimet se Presidenti do të bëhet pengesë për dekretimin e Ramës dhe të ministrave, pra të Qeverisë së re.

Dërvishaj ka folur për një frymë bashkëpunimi që duhet të ketë mes Presidentit dhe Qeverisë, duke lënë të nënkuptohet se Meta i ka ulur ?armët? ndaj Ramës.

?Këto janë pikëpyetje pa baza, Presidenti i di shumë mirë detyrat kushtetusee, i ka të mirëpërcaktuar ato dhe i ka përmendur edhe Gjykata Kushtetuese në rastin Cakaj dhe Lleshaj, e kështu nuk më duket një reagim me vend. Presidenti do të ushtrojë detyrat e tij kushtetuese në mënyrat më të mirat e mundshme, kemi një procedurë për shkarkimin, kemi një Parlament të përfunduar do të mbyllet Kuvendi i ri për të filluar legjislaturën. Duhet të tregojë frymë bashkëpunimi dhe luajaliteti, sipas vendimit të GJK, nëse kjo do të ekzistojë, fryma, dhe nuk ka pse të krijohen kriza?, ka thënë Dervishaj.

Nuk është çudi kjo lëvizje e Metës, pasi ai e ka treguar edhe më herët që për karrigen e pushtetit është gati të lëpijë edhe aty ku pështyn.

Por tashmë, duket se ka edhe një arsye më shumë që kërkon paqe dhe bashkëpunim me Ramën, arsyeja për t?i shpëtuar drejtësisë.

A do të ?pijë ujë? kjo lëvizje e Metës dhe a do të mbyllë sytë drejtësia para dyshimeve për korrupsion, që janë hedhur në vite mbi Presidentin, i cili bëri edhe thirrje për dhunë dhe luftë në prag zgjedhjeve?

Shtatori do t?u japë përgjigje këtyre pikëpyetjeve, por nga ana tjetër qytetarët presin çdo ditë e më shumë që të pastrohet politika nga të korruptuarit dhe të inkriminuarit./CNA.al