web counter
LEXO PA REKLAMA!

SHKARKO APP

App Store
Google Play

Plas në PS/ Deputeti socialist thirrje SPAK-ut:Titullarët e institucioneve të lidhur me trafikantë

16 Korrik 2021, 08:34, Politikë CNA

Deputeti socialist Petro Koçi, ka apeluar SPAK-un, që të zbresë në Fier, aty ku sipas tij, bën ligjin krimi dhe ku financat publike janë marrë peng prej tij.

Këtë thirrje Koçi e bën, në një kohë që pothuajse të gjithë institucionte në vend janë në duar të Partisë Socialiste.

?Efektet e SPAK dhe të Reformës në Drejtësi po japin rezultat. Bota e krimit dhe të korruptuarit kanë filluar të ndjejnë frikë nga ligji.

Keto efekte i mirëpresim edhe në Fier ku duart e krimit janë shtrirë mbi financat publike?, shkruan Koçi në rrjete sociale.

Ai ka shkuar edhe më tej, duke hedhur akuza ndaj drejtuesve të institucioneve për bashkëpunim me trafikantët si dhe ka denoncuar se protagonistë të trafikut të drogës dhe të dhunës, janë  subjekte biznesi që fitojnë tendera publike.

?Protagonistë të trafikut të drogës dhe të dhunës tashmë kanë legalizuar subjekte biznesi që fitojnë tendera publike.

Këtë e realizojnë ose nëpërmjet lidhjeve të drejtpërdrejta me ndonjë titullar institucionesh ose nëpërmjet kërcënimit të zyrtarëve të caktuar që ekzekutojnë prokurimet si edhe nëpërmjet eleminimit të konkurentëve në procesin e tenderimit duke kërcënuar pronarët e subjekteve të biznesit.

Të fuqizuar sidomos duke larë paratë e pista në industrinë e ndërtimit ata vazhdojnë të përvetësojne fitime kolosale nga taksat tona.

Organet ligjzbatuese nuk duhet të lejojnë që qyteti ynë t?i nënshtrohet botës së krimit të organizuar?, ka shkruar Koçi./CNA.al





Lajmet e fundit nga