Tetë pyetje për Lulin/ Sherefedin Shehu ‘mbërthen” Bashën

16 Korrik 2021, 10:12, Politikë CNA

Ish-deputeti demokrat Sherefedin Shehu ka komentuar analizën e Partisë Demokratike, e cila prezantoo konkluzionet një ditë më parë, për rezultatin e zgjedhjeve të 25 Prillit.

Shehu thotë se është dakord me Kusuret e Qeverisë, por ai shtron pyetjes nëse ka pasur ndonjë Lulzim Basha për këtë humbje.

?Konkluzionet e PD për fajet e Qeverisë janë plotësisht të sakta por problemi është se a duhej që Luli t?ja kishte lehtësuar pak këto faje. Për këtë doja qe të bëja disa pyetje, ndoshta më shumë për të qartësuar veten?, ka shkruar Shehu në rrjetet sociale, ndërsa më tej ka shtruar edhe pyetjet.

Janë tetë pyetje që Shehu ka shtruar për Lulzim Bashën, kreun e PD, i cili nuk dha llogari për humbjen në zgjedhjet e 25 Prillit, por vetëm fajësoi Qeverinë.

Tetë pyetjet që mbërthejnë Bashën

1.A nuk e dinte dinte Luli (PD) para zgjedhjeve që pushteti absolut qendror dhe lokal do t?i blinte apo mbante nën presion votuesit dhe ndikonte në rezultatin e zgjedhjeve?

2.A nuk e dinte Luli (PD) që ndryshimet e kodit zgjedhor nuk lejonin konkurimin e aleatëve të koalicionit me lista të veçanta dhe dalja e tyre më listë më vete ishte luftë brenda llojit?

3.Nëqoftëse Luli e dinte që ndryshimi i sistemit në kodin zgjedhor e deformonte rezultation, përse nuk tha asnjë fjalë para fillimit të zgjedhjeve?

4.Meqenëse rezultati i PD qenka fare pak më i ulët se ai i 2009 përse atëherë prodhoi 11 mandate më pak në 2021?

5.A nuk e dinte Luli që individualizimi i fushatës zgjedhore dhe sfumimi i aleatëve është marrje pergjegjësie mbi vete dhe që duhet mbajtur?

6.Meqenëse Shkodra si hambar i votave të PD-së është poshtë pritshmërisë, a ka ndonjë përgjegjësi Luli për listën që u ofroi Shkodranëve?

7.Meqenëse Tirana dhe Durrësi kanë vendosur historikisht fitoren e PD dhe tani jane poshtë pritshmërisë a ka ndonje pergjegjesi Luli si Kryetar edhe i PD-së edhe i listës së Tiranës? Apo le t?ja fusim Palokes kesaj radhe.

8.Po djegia e mandateve, bojkoti i zgjedhjeve lokale, paralizimi i strukturave drejtuese të PD-së dhe listat e hedhura nga Luli poshtë derës së KQZ-së në minutën e fundit a patën ndonje ndikim në rezultatin e zgjedhjeve?

?Demokratëve t’ju rrojë Luli?

?Meqenëse e di që Luli nuk do të denjojë të përgjigjet unë do të jepja këtë përgjigje: Luli me një grup shokësh janë mirë edhe në opozitë ndërsa demokratëve të tjerë t?ju rrojë Luli.

Dhe tani që edhe suksesi i kongresit të PD (ndonëe akoma nuk i dihet emri nëse është statutor, zgjedhor, i zakonshëm apo i jashtëzakonshëm) është i garantuar dhe Luli do të mund të zgjedhë ata që nuk do ta pengojnë në betejat e tij imagjinare, Luli dhe ata që e duan Kryetar të përjetshëm do të flenë të qetë?, është shprehur më tej Shehu..

Sipas të njëjtit demokratët e dinë se pas zgjedhjes së Lulit dhe shokëve të tij, ai që do të jetë akoma më i qetë është Rama./CNA.al