web counter
LEXO PA REKLAMA!

SHKARKO APP

App Store
Google Play

Gjobitet me 10 milionë lekë biznesmeni në Durrës/ Çfarë u konstatua gjatë kontrollit të policisë

12 Korrik 2021, 09:52, Politikë CNA

Policia e Durrësit ka gjobitur me 10 milionë lekë të vjetra pronarin e një subjekti, pasi është konstatuar duke ushtruar aktivitetin pas orarit të përcaktuar për mbyllje.

Gjithashtu, është arrestuar një shtetas për veprën penale ?Dhuna në familje?, si dhe proceduar penalisht 2 shtetas të tjerë, për veprën penale ?Pushtim toke?.

?Shërbimet e Komisariatit të Policisë Durrës vijojnë kontrollet me qëllim garantimin e rendit dhe qetësisë publike dhe monitorimin e subjekteve që vijojnë aktivitetet pas orarit të përcaktuar për mbyllje, në kundërshtim me masat anticovid të vendosura nga organet kompetente.

Në vijim të kontrolleve, shërbimet e Policisë kanë ndëshkuar me masë administrative 1.000.000 lekë, shtetasin S. D., pronari i një subjekti që u konstatua duke vijuar aktivitetin pas orarit të përcaktuar për mbyllje.

Specialistët për Hetimin e Krimeve në Komisariatin e Policisë Durrës, në vijim të punës për parandalimin e përshkallëzimit të dhunës në familje, arrestuan në flagrancë shtetasin K. H., 23 vjeç, banues në Rrushkull, Durrës, pasi në banesë, ka dhunuar për motive të dobëta, kushëririn e tij, shtetasin A.(J). H., 39 vjeç.
Specialistët për Hetimin e Krimeve në Komisariatin e Policisë Krujë proceduan penalisht shtetasit L. S., dhe J. S., banues në Gramëz, Krujë, pasi prej vitesh i kanë zaptuar një sipërfaqe toke shtetasit Gj. C.

Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme.?-thuhet në njoftimin e policisë./CNA.al





Lajmet e fundit nga