E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

Mark Marku “shuplakë” Bashës/ Nuk mund të fitosh besimin e qytetarëve, ja çfarë duhet të bëjë PD

12 Korrik 2021, 08:34, Politikë CNA

Profesor Marku Marku, njëkohësisht deputet i zgjedhur i Partisë Demokratike, nuk i ka kursyer kritikat për kreun e kësaj force politike, Lulzim Basha.

Në një analizë të gjatë te publikuar nga Panorama, Mark Marku shkruan se njerëzit presin përgjigje nga PD, po kërkojnë të dinë se si do të jetë përgjigjja e opozitës në këto rrethana të reja, por sipas tij kjo përgjigje nuk ka ardhur.

?Për fat të keq, kjo përgjigje nuk po jepet nga PD deri më tash. Dhe dy ngjarjet që duhet të jepnin një përgjigje ishin dhe janë fushata për zgjedhjen e kryetarit të PD-së dhe Kongresi i Partisë Demokratike. Fushata për zgjedhjen e kryetarit të PD-së që rikonfirmoi edhe një herë Lulzim Bashën kryetar të PD-së, nga ky këndvështrim nuk dha asnjë përgjigje.?-shkruan Mark Marku.

Duke u ndalur tek Kongresi që pritet të zhvillojë PD, Mark Marku shkruan se ?duket se po shkohet drejt një ngjarje politike rutinë, drejt një takimi ku duartrokitjet dhe thirrjet për shtrëngimin e radhëve do të jenë ku e ku më të fuqishme se analizat, idetë, alternativat. Mendoj se ky kongres do të vijon nga faqja 1 jetë i dështuar nëse nuk na jep një profil të PD-së së nesërme, ose më saktë një ide të opozitarizmit të ardhshëm.?

Sipas tij, ky kongres nuk mund dhe nuk duhet të jetë një kongres rutinë, por një platformë për diskutimin e sfidave, me të cilat duhet të përballet PD-ja në të ardhmen.

Ai thekson se organizatorët e tij duhet të gjejnë mënyrën që PD më në fund të hapë një debat të brendshëm, por edhe me shoqërinë për shumë sfida që lidhen me fatin e opozitës, opozitarizmit dhe demokracisë shqiptare.

?Më në fund, PD duhet të përballet me faktin se qysh prej zgjedhjeve të marsit të vitit 1992, PD nuk është parti me numrin më të madh të votave, madje edhe kur është parti fituese e zgjedhjeve.?-shkruan Mark Marku.

Më tej, ai thekson se PD është hapur, rihapur, mbyllur, rimbyllur, por problemin e shndërrimit në forcë të parë elektorale nuk e ka zgjidhur ende, ndërsa shton se ?Nëse lideri nuk e krijon besimin te shumica e shqiptarëve, a mos duhen gjetur forma të një organizimi të tipit më përfaqësues, më plural përmes dobësimit të rolit të liderit dhe kufizimit të funksioneve të tij dhe krijimit të një bazë më të gjerë përfaqësimi përmes një lidershipi ku lideri është një lider i tipit ?primus inter pares?, një lloj menaxheri modern.?

Sa i takon analizës në PD, Mark Marku shkruan se ?nisur nga koha e shkurtër në dispozicion mund të rezultojë në një analizë jo shumë të thellë.?

Po ashtu ai i jep një ?shuplakë? të fortë Lulzim Bashës, ndërsa shkruan se një forcë politike që nuk ka fuqi të ndryshojë vetveten, nuk mund të fitojnë besimin e qytetarëve se mund të ndryshojë shoqërinë.

?Në këtë kuptim ekziston rreziku që kongresi të shndërrohet në një ngjarje rutinore, në një spektakël të zakonshëm PR-i, ndërkohë që pritshmëria e demokratëve dhe shoqërisë shqiptare është krejt tjetër: pas këtij kongresi ata presin të shohin profilin e qartë të një opozite që do të përballet me regjimin, strategjitë dhe taktikat e kësaj përballje si dhe një alternativë ndryshimi.

Ata tashmë e kanë të qartë se një forcë politike që nuk ka fuqi të ndryshojë vetveten, nuk mund të fitojnë besimin e qytetarëve se mund të ndryshojë shoqërinë.?-përfundon analizën e tij professor Mark Marku.