web counter
LEXO PA REKLAMA!

SHKARKO APP

App Store
Google Play

Humb jetën 60-vjeçari/ Hyri për të shpëtuar një person që po mbytej në det

10 Korrik 2021, 16:17, Politikë CNA

Ka ndërruar jetë njëri prej personave që u shpëtuan pasditen e sotme në plazhin e Pishë-Poros në Darzezë nga rojet bregdetare.

Fatkeqësisht njëri prej tyre, 60-vjeçari Fiqiri Rexhepi, nuk ka mundur të mbijetojë, ndërsa personi tjetër, 47-vjeçari, Arben Alizoti është rikthyer në jetë falë ndërhyrjes në kohë të ekipit mjekësor.

Sipas dëshmitarëve, Alizoti kur ka parë që 60-vjeçari po rrezikonte të mbytej, ka hyrë në det për ta shpëtuar, por aty edhe 47-vjeçari ka rrezikuar të mbytej vetë.

Të dy ata ishin banorë në qytetin e Fierit, ndërsa raportohet se viktima është identifikuar si Fiqiri Rexhepi, ndërsa miku i tij, Arben Alizoti ka mundur të shpëtojë.

Njoftimi i Policisë:

Pishë Poro, Darëzezë

Sot rreth orës 17:00, në plazhin publik në Pishë Poro, Darëzezë, shtetasit A. A., 47 vjeç dhe F. R., 60 vjeç, të dy banues në Fier, duke u larë në det kanë rrezikuar të mbyten.

Pushuesit që ishin pranë tyre dhe më pas punonjësit e Policisë që patrullojnë në bregdet, u kanë dhënë ndihmën e parë dhe i kanë çuar me ambulancë në spitalin e Fierit.

60- vjeçari ka ndërruar jetë rrugës për në spital ndërsa 47-vjeçari ndodhet në spital nën kujdesin e mjekëve.

Po punohet për zbardhjen e plotë të rrethanave të ngjarjes.

 





Lajmet e fundit nga