E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Ish-ministri i Metës sulmon SPAK/ Po harron pse u krijua, duhet të godasë politikanët

12 Korrik 2021, 09:36, Politikë CNA

Ish-ministri i Drejtësisë, në qeverisjen ?Rama-Meta?, Ylli Manjani ka reaguar në lidhje me operacionit e fundit të SPAK.

Në një postim në rrjetet sociale, ish-ministri I Metës, sulmon SPAK, ndërsa thekson se operacionet e fundit janë vetëm humbje kohë dhe mbingarkesë.

Sipas tij, SPAK po harron qëllimin për të cilin është ngritur, pra goditja e politikanëve të korruptuar.

?Sa për kujtesë.

SPAK u krijua për të goditur korrupsionin në nivele larta vendimmarrëse dhe jo për specialistë e drejtorë prokurimesh. As për të hetuar rregullshmërinë e kryerjes së detyrës nga zyrtarë jo politikë.

Këto detyra i kryen, siç i ka bërë prokuroria e zakonshme. Investimi i SPAK në cështje si kjo e Lushnjës apo e qendrës së prokurimeve të përqendruara është humbje kohe për këtë strukturë. Është një mbingarkesë e panevojshme.

Ashtu siç është një mënyrë për të bërë të harrohet qëllimi i vërtetë i SPAK: goditja e politikanëve të korruptuar. Duke u marrë me çështje rutinë, SPAK realisht edhe po të dojë nuk ka kohë fizike të shkojë tek politikanët që marrin vendime 100 herë më abuzive sesa çdo komision tenderi.?-shkruan Manjani.

Më tej, ai ndalet tek çështje si ajo e Teatrit, Bechetti apo PPP-të, e qeverisë, ndërsa shkruan se ?Fjala vjen Teatri dhe Bechetti, apo koncensionet, PPP e kontratat e shërbimeve të lidhura pa garë fare janë shumë më të kushtueshme sesa disa shkelje ligjërisht të debatueshme gjithsesi, të procedurave të prokurimit me garë.

Në një procedurë prokurimi të hapur verifikimi i ligjshmërisë është shumë i thjeshtë. Mjafton të analizosh cmimin në raport me ofertat dhe cmimet e tregut; procedurën e ndjekur dhe një ide e krijon shumë shpejt.?.

Sipas Manjanit, hetimi i politikanëve është misioni dhe SPAK nuk mund të krenohet me raste rutinë.

?Ndaj për këtë nuk na duhej SPAK. Ky i fundit na duhej për ato raste kur ska proces fare dhe mundësisht për korrupsion të kapur në flagrancë?

Hetimi i politikanëve është misioni, jo i specialistëve! Hetimi i trafikantëve e jo i shoferëve të kamionëve?

SPAK nuk mund të krenohet me raste rutinë,por me raste të mëdha.

Kjo kujtesë vlen edhe për entuziasnin koti të zonjës Kim, që mendon se që kur ka ardhur ajo në Shqipëri u shpik arresti me burg??-shkruan Ylli Manjani./CNA.al