E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Brukseli, kryeqendra e mafias evropiane, si po dominojnë shqiptarët

29 Qershor 2021, 06:20, Blog CNA

Nga Emanuel Pietrobon ?Il Giornale?

Në zemër të Evropës, ekziston një vend ku aktivitetet hetimore dhe operacionet policore kanë konstatuar një numër të madh bandash të narko-trafikut, grupesh kriminale dhe mafias nga i gjithë kontinenti.

Ky vend, që nuk është i imunizuar nga dukuria e qasjes në zona të ndaluara (no-go zones), është porta kryesore nga ku futet droga në tregjet kryesore të Evropë, përfshirë atë italian, dhe është një nga shembujt më ekzemplarë të?globalizimit?të krimit të organizuar. Ky vend, që mund të cilësohet si një kryeqendër e mafias së kontinentit të vjetër (dhe më gjerë), është Belgjika.

Mafia shqiptare po pushton Belgjikën

Belgjika e zbuloi se ka një problem me krimin e organizuar më14 janar të vitit 1989, ditën kur u rrëmbye ish-kryeministri Pol Boinant. Kërkimet e policisë ishin të kota:nuk kishte asnjë gjurmë të politikanit të njohur. Në ato kushte policët belg u detyruan të tundnin flamurin e bardhë, pra të paguanin shpërblimin e kërkuar, shuma e të cilit nuk u bë kurrë publik.

Gjithsesi, kriminelët nuk patën kohë që ta shijonin shumë atë. Ata u përgjuan dhe u arrestuan menjëherë pas lirimit të ish-kryeministrit. Identiteti i tyre i tronditi hetuesit:gjysma e tyre ishin belg, përfshirë Patrik Hemers, dhe gjysma shqiptarë.

Sot, më shumë se 30 vjet pas rrëmbimit të Boinant, kriminelët shqiptarë nuk janë më elementët e dhunshëm në shërbim të krimit vendas:ata janë tanimë vetë krimi vendas. Sipas FransuaFarsi, një nga ekspertët kryesorë të krimit të organizuar në Belgjikë ?që po e lufton atë që nga viti 2001 -?prej më shumë se 20 vjetësh ka pasur një dominim të përhershëm të kriminelëve shqiptarë,klanet kriminale të të cilëve janë bërë mafia e vërtetë, dhe përfaqësojnë krimin e organizuar më aktiv dhe më të rrezikshëm në vend?.

Sot,pjesëtarët e mafias shqiptare kanë një pushtet dhe strukturë të krahasueshme me atë të mafias italiane:ata kontrollojnë territorin, janë të përfshirë në një gamë të gjerë trafiqesh të paligjshme – drogë, prostitucion, emigracioni ilegal, grabitje, pastrim parash, etj, ?kanë qasje të drejtpërdrejtë në portin e Antverpit si lehtësues?dhe organizatorë të trafiqeve dhe kanë lidhje të drejtpërdrejta me Amerikën e Jugut?.

Përveç trafikut ndërkombëtar të drogës, mafiozët shqiptare ?janë gjithashtu të përfshirë në organizimin dhe kontrollin e shumë plantacioneve të kanabisit?. Një treg me vlerë qindra miliona euro, që është gjithashtu i dominuar nga organizatat kriminale shqiptare, siç tregohet nga operacionet që çojnë çdo javë në shkatërrimin e e plantacioneve të paligjshme të kanabisit.

Rëndësia e portit të Antverpit

Pra,në portet belge grupimet mafioze shqiptare janë shumë të rëndësishëm. Sepse të gjithë, nga zëdhënësit e mafias italiane tek përfaqësuesit e narko-bandave magrebine në Holandë dhe Francë, duhet të kenë lejen dhe bekimin e ?kolegëve? të tyre shqiptarë për ta përdorur portin strategjik të Antverpit, portën kryesore të hyrjes në Evropë të kokainës që vjen nga Amerika Latine.

Nuk dihet se sa arrin fitimi i mafia Shqiptare nga kontrolli i portit të Antverpit, por shifrat e operacioneve policore të viteve të fundit, mund të ndihmojnë për të na dhënë një ide:27.6 ton kokainë të sekuestruar në 3 muajt e parë të vitit 2021, ose 3 herë më shumë sesa në gjithë vitin 2014, kur autoritetet portuale kapën 8.1 ton.

Po ashtu,65.5 ton kokainë e kapur në vitin 2020, ose 1/3 e të gjithë kokainës së kapur në Evropë në të njëjtin vit (102 ton), duke e bërë Antverpin portën e parë dhe kryesore të kokainës në kontinent;62.1 ton kokainë e kapur në vitin 2019 ;50.1 ton kokainë në 2018, 142 dosje hetimore për krime të lidhura me drogën u hapën në vitin 2019;2 oficerë policie të arrestuar po në vitin 2019 për bashkëpunim me narko-bandat,për përdorimin e portit për trafiqe ilegale.

Peizazhi kriminal belg i ngjan një ?Babeli? të mafias së populluar nga bandat urbane, grupet kriminale dhe kartelet e drogës që e kanë prejardhjen nga një plejadë shumë e larmishme vendesh,dhe që i përkasin shumë grupeve etnike. Pasi përveç shqiptarëve, në Belgjikë, ku gjendet dhe zemra e institucioneve të BE-së, vepron gati e gjithë mafia italiane (Ndrangheta, Camorra, Cosa Nostra dhe Stidda) – të përfshira në një seri aktivitetesh të paligjshme, nga droga tek vjedhjet e makinave luksoze -klanet kriminale bullgare dhe nigeriane – të specializuar në prostitucion dhe grabitje – dhe e ashtuquajtura ?Mocro Mafia? ose ?krimi i organizuar me origjinë marokene?, që bashkëpunon me mafian shqiptare për blerjen e një pjese të kokainës që hyn në Antverp,dhe falë demografisë së saj kontrollon lagje të tëra.

Ndërkohë, nën hijen e godinave prej xhami të institucioneve evropiane dhe të periferive të kontrolluara nga klanet shqiptare dhe ato magrebiane, vitet e fundit kemi qenë dëshmitarë të rritjes së krimit të organizuar çeçen. Sipas Farsi, çeçenët përdorin jo vetëm një dhunë të barabartë, dhe ndonjëherë edhe më të madhe se marokenët, por përbëjnë një kërcënim për sigurinë kombëtare për shkak të lidhjeve të tyre me terrorizmin islamik./CNA.al