web counter
LEXO PA REKLAMA!

SHKARKO APP

App Store
Google Play

Kim e prerë/ “Të mos shtiremi, ta bëjmë reformën në drejtësi reale”

23 Qershor 2021, 08:56, Politikë CNA

Ambasadorja e SHBA-ve në Tiranë, Yuri Kim ka folur për reformën në drejtësi.

Kim ka dhënë mesazhin se duhet bërë e pamundura që reforma në drejtësi të ecë përpara. Gjithashtu ambasadorja është shprehur se e kupton presionin dhe trysninë në të cilën ndodhet ky sistem por duhet të paguhen kostot sot ndryshe këto kosto do të paguhen nga brezat e ardhshëm.

Ndër të tjera, ambasadorja Kim iu drejtua me një mesazh të prerë edhe politikanëve dhe gjithë sistemit gjyqësor, teksa u shpreh se ?Le të ndalojmë së shtiruri dhe të çojmë reformën përpara”.

?Na duhet të lëvizim përpara, Reforma në Drejtësi nuk duhet të ceket vetëm prej jush, kam theksuar rolin e shoqërisë civile në demokraci.

Në muajt e kaluar, Helsinki ka monitoruar KLD dhe KLP, ne jemi të lumtur që  e mbështesim këtë, monitorimi i performancës është esenciale në këtë drejtim, duhet të jemi të sinqertë dhe të giximshëm, duhet të kuptojmë se sa shumë kemi bërë dhe të gjejmë mënyrën se si do të ecim përpara.

Këshillet ishin të parat që u themeluan, sivjet institucionet e Reformës në Drejtësi janë ngritur, u emërua Prokurori i Përgjithshëm, SPAK ka prokurorët dhe klasa e parë e NKH do përfundojë trajnimin së shpejti, ka shumë gjyqtarë dhe prokurorë të larguar nga detyra, nëse jemi serioz për kapjen, për të bërë një Shqipëri më të mirë dhe më të denjë si anëtarë te BE, atëherë Reforma në drejtësi të vazhdojnë, të mos shtiremi dhe ta bëjmë reformën reale, Gjykata e Larta ka 7 gjyqtarë dhe të tëra këto arritje duhen vlerësuar.

Nuk jeni vetëm. Ne e kuptojmë trysninë, por ne kuptojmë rëndësinë e ecjes përpara në reformën e drejtësisë. Keni një rol të rëndësishëm në drejtësi, brezi i ardhshëm i ka sytë tek ju.

Në do të bashkëpunojmë që t’i arijmë të gjitha synimet. E di që ka një kosto vetjake dhe profeisonale por është një kosto që besoj se ia vlen.  Nëse nuk jeni të gatshëm të paguani kostot brezat e ardhshëm do të paguajnë kostot?, shprehet Yuri Kim. / CNA.al 





Lajmet e fundit nga