Nishani “lëshon” Bashën dhe “kap” Ramën/ “Nuk i keni parë të gjitha akoma”

23 Qershor 2021, 09:17, Politikë CNA

Ish-Presidenti Bujar Nishani dhe njëherësh kreu i Këshillit Kombëtar të PD, ka sulmuar kryeministrin Edi Rama, ndërkohë në vijimësi ka “gozhduar” kreun e PD-së Lulzim Basha, të cilin e bën përgjegjës për humbjen e 25 Prillit.

Sipas të njëjtit, Edi Rama, njeriu i simbolit më të keq të qeverisjes në historinë 30 vjeçare, post diktaturë në Shqipëri, ju ka përkujtuar shqiptarëve me krenari ardhjen e tij në pushtet 8 (tetë) vite më parë, në 2013.

?Edi Rama natyrshëm që mburret me të, është i kënaqur me të, ndihet i realizuar me të, vijon i inspiruar me të!

Për një fakt fare të thjeshtë, sepse Edi Rama ka mundur të jetësojë në këto 8 (tetë) vite si model jete për shqiptarët, si formë e shtetit për Shqipërinë, si kulturë shoqërore për këtë vend ; modelin, kulturën, karakterin e tij si individ !

Asgjësimi i konceptit të ndarjes dhe balancimit të pushteteve dhe margjinalizimi i institucioneve të pavarura në këto 8(tetë) vite, reflektoi modelin marksist të ish bllokut punist nga ku e kishte gjenezën, rrënjën dhe afilacionin subkoshient Edi Rama?, shkruan Nishani në rrjetet sociale.

Nishani shkon edhe më tej, ndërsa deklaron se Edi Rama, ishte i pari në llojin e ve,t i cili realizoi asgjësimin ?de facto? të associmit politik, (PS) me të cilin mori pushtetin, duke e shndërruar piramidën pushtebajtëse brenda një sekti ultraliberal (e quajti Rilindje si referencë kreature personale) mbi baza krejt të tjera nga socialdemokracia klasike ku PS kishte bërë përpjekje për shndërrim nga trashëgimia puniste.

?Eleminimi pak nga pak i kompetencave të Presidentit të Republikës, i identitetit dhe integritetit të disa institucioneve (deri atë kohë serioze) si ILDKP, Parlamenti, Policia e Shtetit, reflektonte formësimin e tij shoqëror, si individ.

Koncepti se Ligji është rregullatori i vetëm dhe bindja mbi të është detyrim, u konsiderua si ?budallallëk me okë? !

Drejtësia nisi ?të ulë qafën? deri sa thundra pushtetit ju ngul totalisht deri në koc !

Buxheti i Shtetit (paratë e shqiptarëve) tashmë ishin ?keshi në xhepin e të madhit? ku doroviteshim miliarda me rregullim e vetëm ; % .

Korrupsioni i cili kish qenë një bashkëudhëtar i palodhur ndër vite kudo udhëve të këtij vendi, tashmë u kthye në ?Njësi Matje? !

Ashtu si gr, kg, km, grada, etj., përdoren rëndom në përditshnërinë tonë, ?korrupsioni? tashmë ishte ?Njësia? e re e matjes së aftësisë, karrierës, mrnçurisë, zotësisë, vetë të ?përndriturit?, shkruan Nishani.

Sipas tij, shteti zyrtar ku çdo zyrë, koridor, drejtor e rojtar, nuk mendonin se kishin në krye një ?Kryeministër? shërbëtor por duhet të adhuronin ?Bajlozin? që të mbyt e të zhyt, nuk mjaftonte.

?Ndaj shteti paralel i kanabisit, i të fortëve, tenderablerësve, propagandës virtuale, gëloi si komplementari i garancive të rrugëtimit që duhet të zgjasë pambarim, si demonstrim i karakterit personal të Edi Ramës!

Në këto 8 (tetë) vite u formësua kjo kapsulë me emrin qeverisje e Edi Ramës dhe Rilindjes si sekti i një ideologjie e praktike mutande në këtë vend.

Pikërisht këtë sot Edi Rama, e demonstron me mburrje, e duartroket si fitore, e shet shtrenjtë si perceptim, vijon ta perfeksionojë !

Të gjithë ata që e kuptojnë çka është në të vërtetë e nuk e kapërdijnë dot, thjesht do të duhet ta durojnë edhe 4 (katër) vitet e tjera në vijim ! Ndoshta nuk i kemi parë të gjitha, Akoma?, përfundon reagimi i Nishanit./CNA.al