web counter
LEXO PA REKLAMA!

SHKARKO APP

App Store
Google Play

Foto-Grushte në Kuvend/ Maliqi: Ashtu si bien gjethet do të rrëzohet regjimi i Rilindjes

23 Qershor 2021, 08:34, Politikë CNA

Lefter Maliqi, i cili nuk arriti të zgjidhej deputet nën siglën e LSI, ka postuar në rrjete sociale, një foto të vjetër të Parlamentit, ku ai tregonte grushtat ndaj mazhorancës.

Sipas tij  e njëjta situatë është edhe pas 25 prillit.

“Një përballje e pazakontë në Parlament. Një përballje me forcën e makinerisë së kalbur shtetërore që si një gjigand prej rëre, duket i fortë e hijerëndë kur e sheh, por shkërmoqet në puhizën e parë që sjell një dallgë. Dallga e revoltave popullore do shkermoqë këta specialistë të dukjes e mashtrimit, që nuk janë as socialistë“, shkruan Maliqi.

Më tej Maliqi ka sulmuar mazhorancës se përse hesht, pas negociatat nuk u hapën.

“Specialistë e jo socialistë, sepse nuk prononcohen as sot kur Shqipëria sërisht rrëzohet e mbetet pa negociata me BE-në. Shqipëria nuk iu dhimbset, kurse ata vetë nuk rrëzohen pa kurajo, përballje, mobilizim, bashkim. Do mbarojë kjo verë e thatë, e në vjeshtë, ashtu si bien gjethet duhet të bjerë dhe regjimi mafioz diktatorial i Rilindjes. Atëherë, pak nga pak do fillojë të ngrihet Shqipëria e të ndrisè dielli i saj“, shkruan më tej Maliqi./ CNA.al

 





Lajmet e fundit nga