E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Arben Malaj “shuplakë” diplomacisë shqiptare/ Dy opsionet për çeljen e negociatave

23 Qershor 2021, 07:38, Politikë CNA

Ish-Ministri i Financave, studiuesi i integrimit evropian Arben Malaj, ka bërë një analizë, për mos hapjen e negociatave.

Sipas tij mos çelja e negociatave është një lajm jo pozitiv edhe për vetë BE-në.

Pasi, “penalizimi” i Shqipërisë për shkak të vetos bullgare ndaj MV e vë diplomacinë shqiptare përballë dy opsioneve.

?E para – duhet të synojë çeljen e vetme nëse kjo është e mundur.

E dyta – investimi i diplomacisë së Shqipërisë duhet të fokusohet për çeljen e njëhershme të negociatave për të dy vendet, por edhe për përshpejtimin e heqjes së vizave për Kosovën?, analizon Malaj.

Ndër të tjera Malaj, ka rikthyer në vëmendje, deklaratat e palës maqedonas, disa vite më parë, kur citonte se ?dy është shumë mirë dhe një është më mirë se zero.

?Dy është shumë mirë dhe një është më mirë se zero” ishte mesazhi i diplomacisë së Maqedonisë së Veriut (MV) disa vite më parë kur BE ishte gati ti çelte negociatat vetëm me MV dhe jo për Shqipërinë.

Dje dy vendet ishin në pozicione të kundërta BE ishte gati të çelte negociatat për Shqipërinë, ndërsa për MV pengonte vetoja bullgare.

Për reciprocitet diplomatik edhe Ministri për Europën dhe Punët e jashtme të vendit tonë lehtësisht mund të deklaronte përpara mbledhjes së “Dy janë shumë mirë. Një është më mirë se zero”.

Por ndërsa “reciprociteti” mbetet një parim i rëndësishëm në diplomaci, ai nuk duhet të mbivendoset apo cënojë misionin e diplomacisë së çdo vendi dhe aq më pak bashkëpunimin bilateral, rajonal dhe euro-atlantik?, shkruan Malaj në rrjete sociale.

Sipas të njëjtit, në thelbin e diplomacisë së vendit tonë në sfidën e integrimit të saj dhe të rajonit mund të jetë më produktiv mesazhi i thelbit të saj se: “Bashkë të gjithë vendet e Ballkanit Perëndimor – është më mirë se një nga një” dhe në rastin e MV mund të përkushtohet me vizionin se: ” Dy është shumë mirë dhe se asnjë është shumë keq”, çka nënkupton se për diplomacinë shqiptare – “Një është më mirë se zero” – nuk është qëllim në vetvete.

?Në vizionin dhe strategjinë e zgjerimit të BE-së ndikon parimi i meritokracisë – por çdo vendim/hap në proçesin e zgjerimit të integrimit të BE-së me vendet e Ballkanit Perëndimor ndikohet ndjeshëm apo përcaktohet nga këndvështrimi dhe përgjegjësia gjeopolitike e vendeve dhe institucioneve vendim-marrëse të BE-së.

Thelbi është që avancimi apo “pengimi” i një vendi të mos krijojë pengesa të avancimit të gjithë rajonit.

Opsioni i parë – çelja e negociatave vetëm për Shqipërinë – sjell efekte pozitive të limituara, efekte më shumë politike se sa ekonomike.

Por opsioni i parë mund të vështirësojë akoma më shumë pengesat për MV dhe rajonin.

Opsioni i dytë – një diplomaci aktive dhe produktive e Shqipërisë duke u harmonizuar dhe maksimizuar edhe me influencën e partnerëve strategjikë për përshpejtimin e integrimit si rajon?, shkruan më tej Malaj./CNA.al