E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

E qeshura e shëmtuar e një Presidenti në ikje

23 Qershor 2021, 09:30, Politikë CNA

Një fytyrë e qeshur është një fytyrë e bukur, thotë një shprehje e mençur.

Sepse e qeshura reflekton thellësinë dhe mirësinë e shpirtit të njeriut, pasqyruar në fytyrën e tij, në portretin e tij.

Ndaj e qeshura perceptohet gjithmonë e bukur, sepse ashtu është në fakt.

Mirëpo ja që paska edhe qeshje të shëmtuar, diçka që më ka rënë në sy sa herë shoh postimet me portretin e Ilir Metës, presidentit tonë në ikje.

Duke qene në profesion fotograf, natyrshëm shoh me shumë vëmendje fotot që postojnë personalitete publikë, artistë, sportistë, politikanë, shkrimtarë etj. Shoh të gjej detajtin, atë që është e veçantë në portretin e tyre.

Përgjithësisht postimet e shumë personaliteteve ne Shqipëri janë lineare, pa shprehje, pa plastikë, pa intensitet e pa jetë thenë më shqip. Ata shfaqen të pa kuruar, por postojnë sa për të postuar.

I tillë, pra pa asnje veçanti dhe me shëmti estetike shfaqet në postimet e vete edhe Ilir Meta, Presidenti i shkarkuar i vendit.

Në fotot e tij, ai në fakt na jep atë që është. Një portret në më të shumtën e herëve të shëmtuar përmes një qeshjeje të shëmtuar, me sa duket si reflektim i një gjendjeje shpirtërore të shëmtuar.

Portreti i tij na shfaqet përmes grimasave të çuditshme, që janë një miksim i çuditshëm ngërdheshjes e hipokrizie bashke.

Nuk ka spontaneitet, nuk ka lirshmëri, nuk ka përjetim emocional, por ai e sajon të qeshurën, e fallsifikon ate dhe na e jep në fakt ashtu siç e ndjen.

Natyrisht pamja e portretit të tij nuk është e bukur, por kjo nuk do të thotë që të mos e ketë të qeshurën të bukur, sepse edhe në nje portret të shëmtuar e qeshura kur eshte e vertete, kur është e ndjerë është e bukur, sepse qesh shpirti, jo fytyra.Mirëpo, Presidentit tonë nuk i qesh as shpirti dhe as fytyra me sa duket. Ai bën sikur qesh, sepse ai nuk ndjen. Ndaj ai ngërdheshet e kërkon që ngërdheshjen e vet të na e japë si të qeshur.

Ndaj duhet gjetur dikush që ta mësojë Presidentin se imazhi i tij nuk mund t?i lihet rastësisë e as shijeve të veta mediokre, e për rrjedhojë të përpiqet edhe ta mësojë se si të mos ngërdheshet e zgërdhihet, sepse nuk kemi nevojë për shëmtinë e tij.

E qeshura e tij e shëmtuar flet vetë./ CNA.al

F.Raka