E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

‘SPAK mund të japë goditjen drastike këtë muaj’/ Ngjela paralajmëron zhvillime të bujshme

6 Qershor 2021, 15:46, Politikë CNA

Avokati i njohur Spartak Ngjela ka komentuar zhvillimet e fundit politike në vend.

Sipas Ngjelës, korrupsioni i lartë shtetëror ka krijuar në fakt të gjithë strukturën për ta kthyer Shqipërinë në një vend feudal.

Ndërsa ngre dyshime se SPAK mund të japë goditjen drastike këtë muaj.

Analiza e plote

Shqiptarët kanë vetëm një shpresë për zhvillimin e tyre: goditjen penale kundër korrupsionit të lartë shtetëror. Në të kundërt, fundi është drejt një neofeudalizmi shqiptar.

Korrupsioni shtetëror tani ka krijuar familjet mafioze në Shqipëri, të cilat janë të lidhura me krimin e organizuar.

Pikërisht për këtë fakt, politika amerikane filloi goditjen me emra kundër korrupsionit të lartë politik e shtetëror në Shqipëri, dhe tani duhet t’ua identifikojë shqiptarëve të gjitha familjet mafioze.

Korrupsioni i lartë shtetëror në Shqipëri, ka karakter fisnor.

Por, paralel me këtë, dje, presditenti i Shtetve të Bashkuara, Joe Biden, publikoi botërisht memorandumin e tij antikorrupsion në rrafsh botëror.

Po SPAK, a do ta fillojë goditjen penale kundër korrupsionit në Shqipëri, sipas denoncimit që ka bërë Departamenti i Shtetit amerikan?

Shqiptarët po e presin me ditë… Kurse, korrupsioni i lartë shtetëror ka krijuar në fakt të gjithë strukturën për ta kthyer Shqipërinë në një vend feudal.

Ndërhyrja e politikës amerikane do ta shpëtojë Shqipërinë nga neofeudalizmi i tre apo i katër familjeve të korruptuara mafioze, të lidhura me krimin e organizuar.

Por duhet të shpejtojë…

Memorandumi i datës 3 qershor 2021, i formuluar nga presidenti i Shteteve të Bashkuara thotë se:

“Ko??upsioni kë?cënon sigurinë kombëtare të SHBA-ve, barazinë ekonomike, përpjekjet kundër varfërisë dhe zhvillimin e demokracisë në botë”.

Sipas këtij përcaktimi, edhe korrupsioni i lartë shtetëror në Shqipëri cenon njëherësh barazinë ekonomike, mirëqenien shoqërore dhe vetë demokracinë. Dhe ne shqiptarët, e pamë këtë me sytë tanë: korrupsioni i lartë shtetëror po shkatërron shoqërinë shqiptare në të gjitha drejtimet.

Korrupsioni në Shqipëri ka krijuar trishtim shoqëror dhe varfëri të tejskajshme. Por, a do ta çojë deri në fund këtë luftë Prokuroria e Posaçme që është ngritur specialisht për këtë? Dhe pyetja e dytë është kjo: kur do ta fillojë Prokuroria e Posaçme goditjen penale? sepse shqiptarët po e presin si të vetmen shpresë që kanë për atdheun e tyre.

Por, lufta antikorrupsion në rrafsh botëror, tani e pamë që u shpall si motivi kryesor i politikës amerikane. Dhe ky motiv sigurisht që përbën risi në zhvillimin botëror, sepse kjo tani po rezulton të jetë politika aktuale e Shteteve të Bashkuara. Por, duhet ta theksojmë se ky është në fakt motivi i kësaj kohe, i cili po kërkon të bëhet vetë motivi i qytetërimit perëndimor.

Pikërisht, brenda këtij motivi, qëndron edhe fati i të ardhmes së shqiptarëve, të cilët në mbi 20 vjet janë të pushtuar nga korrupsioni i politikës së lartë shqiptare.

Qytetërimi i sotëm perëndimor ka karakter botëror, sepse në epiqendër të tij qëndron tregu i hapur, i lirë e global.

Një kohe të caktuar politike, i takon gjithmonë një qytetërimi të caktuar. Qytetërimet e vdekura, kanë pasur kohët e tyre.

Kurse, na duhet të theksojmë se, çdo qytetërim ka pasur e ka një qëndër drejtuese, dhe qëndra është forca esenciale e çdo qytetërimi. Qytetërimi aktual modern ka një qëndër drejtuese si forcë, sepse atje janë të përqëndruara të tre vektorët e forcës së sotme: forca ushtarake, shkencore e ajo prodhuese. Dhe kjo qëndër është Amerika.

Motivi antikorrupsion në rrafsh botëror, tani u shpall nga Shtëpia e Bardhë si një motiv amerikan, sepse korrupsioni cenon sigurinë kombëtare te Shteteve të Bashkuara. Ky cenim konsiston pikërisht në faktin se: korrupsioni shtetëror kontrollon tregun e lirë, bashkëpunon me krimin e organizuar në rrafsh kombëtar e ndërkombëtar, kap sistemin bankar, dhe bëhet pjesë aktive e terrorizmit botëror të çdo lloj ngjyre. Prandaj ky është sak shkaku dhe motivi i luftës amerikane antikorrupsion.

Prandaj, brenda kësaj luftë dhe këtij motivi, shqiptarët po presin çlirimin e tyre nga bandat e mëdha që, pasi kanë pushtuar shtetin me korrupsion, korruptojnë ku të munden, dhe kanë vënë në rrezik interesin kombëtar të Shqipërisë.

Ndërkohë në Shqipëri është ngritur struktura ligjore për penalizimin e korrupsionit të lartë shtetëror. Por ajo ende nuk e ka dhënë goditjen e parë drastike.

A do ta shohim gjatë këtij muaji?