web counter
LEXO PA REKLAMA!

SHKARKO APP

App Store
Google Play

E fundit!

x

Moslejimi i gazetarëve në Parlament/ Vokshi: Antikushtetuese, dhunon lirinë e medias

6 Qershor 2021, 13:00, Politikë CNA

Sot u hap konferenca dyditore për fushatën zgjedhore e organizuar nga Lidhja Demokratike Shqiptare. Nga atje, ish Kryetarja e Komisionit të Medias, Albana Vokshi e konsideroi antikushtetues dhe dhunim të fjalës së lirë vendimin që ndalon gazetarët të hyjnë lirisht në Parlament dhe të raportojnë lirisht.

Sipas saj, ky vendim është marrë në mungesë të plotë trasparence.

?Pa fjalë të lirë, nuk mund të ketë votë të lirë, nuk ekziston as shoqëria e lirë. Në këtë drejtim, vendi ynë vazhdon të bëjë hapa mbrapa me ritme alarmante.

Me nje vendim antidemokratik, media ndalohet të marrë pjesë në komisionet parlamentare, aty ku diskutohen ligjet, ndalohet të pyesë deputetët, ndalohet të jetë aty ku ngjarja ndodh. Në vend të informimit të plotë të publikut, gazetarët urdhërohen të komunikojnë me publikun vetëm përmes pamjeve të regjisë së centralizuar të kuvendit. Vendimi antidemokratik, antikushtetues, i detyron gazetarët të qendrojnë të izoluar në një dhomë, të rrethuar nga Garda e pushtetit.

Vendimi që pengon gazetarët në punën e tyre të informimit me transparencë dhe paanësi të publikut, i pari i këtij dimensioni pas 30 vitesh parlamentarizëm, është marrë në mungesë të plotë transparence nga parlamenti monopartiak me opozitën e emëruar?, u shpreh Vokshi./ CNA.al

 





Lajmet e fundit nga