web counter
LEXO PA REKLAMA!

SHKARKO APP

App Store
Google Play

Komunikimi në politikë/ Duma: Është tre-çereku i suksesit

6 Qershor 2021, 13:11, Politikë CNA

Deputetja e zgjedhur e Partisë Demokratike Grida Duma ka folur rreth gjuhës së komunikimit të politikaneve dhe ndryshimet që ka pësuar nga shkollimi në vite.

Sipas saj, bota po shkon drejt komunikimit të thjeshtë. Gjithashtu Duma u shpreh se mes fjalës së politikës standarde dhe komunikimit ka një standard që dëgjuesi që është dyshues e konsideron hipokrizi.

?Në Shqipëri ne e kemi problem. Shumë pak kemi shkollë politike që njerëzit të hyjnë në politikë me një program të caktuar, Komunikimi në politikë është tre-çereku i suksesit. Ka pafund raporte që janë përmbajtje e zhvillimit të politikave por asnjëherë nuk i thonë asgjë publikut. Brenda komunitetit politik është e vështirë të komunikohet përmbajtja.

Problemi më i madh është komunikimi i përmbajtjes. Bota po shkon drejt komunikimit të thjeshtë. Ne vijmë nga një shkollë me një metodikë ku kemi stilin didaktik të të lexuarit dhe të thënit të gjërave. Ne fjalët e përgjithshme i kemi momentin e parë hyrës në një komunikim.

Në qoftë se duam të jemi të qartë dhe produktiv duhet të kemi parasysh që në këtë botë të shpejtë dhe në këtë Shqipëri të lodhur, kur dëgjojmë fjalë të përgjithshme e heqim televizorin. Fjala nuk ka vlerën e vet kur imponohet hipokrizi. Mes fjalës së politikës standarde dhe komunikimit ka një standard që dëgjuesi që është dyshues na thonë hipokrizi?, u shpreh Duma./ CNA.al





Lajmet e fundit nga