web counter
LEXO PA REKLAMA!

SHKARKO APP

App Store
Google Play

Shkarkimi i ish-kryebashkiakut Zef Hila/ Kushtetuesja “rrëzon” Qeverinë

5 Qershor 2021, 07:40, Aktualitet CNA

Gjykata Kushtetuta ka pranuar kërkesën e ish-kreut të Bashkisë së Vaut të Dejës, Zef Hila, dhe ka shfuqizuar vendimin e Këshillit të Ministrave për ta shkarkuar.

Kreu i bashkisë së Vaut të Dejës, Zef Hila u shkarkua pas sulmeve të dhunshme të ndodhura në mbrëmjen e 27 qeshorit 2019 në KZAZ nr. 6 në Bushat.

Por, trupa Gjykuese e përbërë nga Vitore Tusha, Kryetare, Elsa Toska,Fiona Papajorgji, Altin Binaj, Përparim Kalo, Sonila Bejtja dhe Marsida Xhaferllari, anëtarë, arsyeton se në kohën kur Këshilli i Ministrave ka vendosur shkarkimin nga detyra të kërkuesit, mandati i tij si organ i zgjedhur i qeverisjes vendore ishte drejt përfundimit.

?Si përfundim,  Gjykata, bazuar në analizën e të gjitha pretendimeve të kërkuesit, vlerëson se kërkesa e tij duhet pranuar në objektin e saj, pasi është cenuar procesi i rregullt ligjor në aspektet e së drejtës për t?u njoftuar dhe për t?u dëgjuar, si dhe të standardit të arsyetimit të vendimit. Shfuqizimin e vendimit nr. 445, datë 28.06.2019 të Këshillit të Ministrave ?Për shkarkimin nga detyra të kryetarit të Bashkisë së Vaut të Dejës, z. Zef Hila?, thuhet në vendimin nr. 25 datë 10.05.2021 të Gjykatës Kushtetuese./CNA.al





Lajmet e fundit nga