web counter
LEXO PA REKLAMA!

SHKARKO APP

App Store
Google Play

E fundit!

x

Përparim Kabo bën deklaratën e fortë/ “Shumë shpejt do të dëgjojnë goditje të ministrave dhe ish kryeministrave”

4 Qershor 2021, 17:15, Aktualitet CNA

Profesori Përparim Kabo ka folur për situatën politike dhe vendimet e SHBA-së kundër korrupsionit ku u shpreh se shumë shpejt do të dëgjohen goditje të ministrave, ish kryeministrave apo drejtues të lartë të institucioneve të rëndësishme në Shqipëri.

I ftuar në Top Talk shtoi se ish kryeministri Sali Berisha ka zgjedhur një rrugë që i ndihmon të gjithë.

Sipas tij, Berisha vendosi ta zgjidhë në Francë çështjen e shpalljes non grata sepse është shpifur dhe denigruar personaliteti i tij.

?Shumë shpejt do të dëgjojnë goditje dhe nga ana tjetër, edhe ministra, edhe ish ministra, ish kryeministra, ish drejtues të lartë të institucioneve më të rëndësishme në Republikën e Shqipërisë.

Kjo nuk është çështje individuale siç kërkojnë ta etiketojnë disa si një sulm i pabesë i sajuar nga Tirana dhe i manipuluar nga lobe të caktuara në SHBA për të degraduar ish presidentin dhe ish kryeministrin e Republikës së Shqipërisë.

Vetë Berisha ka ndjekur një rrugë që i ndihmon të gjitha palët. Ai vendosi ta zgjidhë në Francë sepse sipas tij është shpifur dhe denigruar personaliteti i tij. Në fakt, vendimi është institucional dhe i shpallur nga drejtuesi më i lartë i DASH. Motivimi përbën në vetvete shprehjen e vlerësimeve dhe akuzave për gabime dhe krime të rënda që zgjidhen në Gjykatë Penale në Republikën e Shqipërisë?, u shpreh Kabo./ CNA.al





Lajmet e fundit nga