web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Klodian Rashës dhe rrahja e djalit tek liqeni/ Manjani: Familjet nuk kanë bërë falje po tallje

4 Qershor 2021, 18:57, Aktualitet CNA

Ish ministri i Drejtësisë Ylli Manjani ka folur për vrasjen e Klodia Rashës nga efektivi i policisë dhe rrahjes së djalit të ri tek diga e liqenit.

Sipas tij, të dyja janë akte barbare ku Klodian Rasha e pagoi më shtrenjtë pasi humbi jetën. Në një postim në rrjetet sociale, Manjani u shpreh se familjet e dy të rinjëve nuk kanë bërë falje me shtetin.

Të mbjellësh ullinj dhe të bësh teatër mediatik me Erion Veliaj dhe Edi Ramën, sipas Manjanit nuk është falje po tallje.

?Vrasja e Klodjan Rashës dhe rrahja kafshërire e djalit të ri tek diga e liqenit janë dy ngjarje të trishta, në tipologjinë e tyre.

Të dyja janë akte dhune barbare të shtetit ndaj dy të rinjve. Klodjani, e pagoi më shtrenjtë..

Në të dy rastet prindërit bënë paqe me shefat politikë të shtetit dhunues. Nuk dua të komentoj për këtë gjë sepse pezmi mund të më shtyjë të shprehem keq.

Por edhe me komunitetin e moralistëve që paqen e prindërve të të rinjve me politikën dhunuese e quajnë akt falje e fisnikërie nuk bie dakort.

Akti i faljes është e vërtetë që tregon fisnikëri. Kanunet tona e njohin këtë akt që nga lashtësia. Por falja ka kuptim ndaj fajtorit dhe jo kryeplakut.  Pra, po të kishin falur policët që në detyrë dhunuan e vranë, do ta kuptoja faljen. Por të mbjellësh ullinj e të bësh teatër mediatik me Velinë, Veliun e Ramën nuk quhet falje, por tallje?, ka shkruar Manjani./ CNA.al





Lajmet e fundit nga