web counter
LEXO PA REKLAMA!

SHKARKO APP

Dëshmia rrëqethëse e Dhurata Saliaj/ “Doja të takoja djalin, aty ndodhi vrasja”

5 Qershor 2021, 09:03, Aktualitet CNA

Pas arrestimit si bashkëpunëtore në vrasjen e ish bashkëshortit Kudret Saliaj, Dhurata Saliaj ka dhënë dëshminë e saj para hetuesve.

Sipas Ballkanweb, 33 vjeçarja ka dëshmuar para hetuesve duke u shprehur se prej kohësh ish bashkëshorti i saj Kudret Saliaj e kërcënonte se do vriste.

?Marrëdhëniet me Kudretin i kishim shumë të acaruara. Sa herë unë tentoja të kontaktoja me fëmijët, ai vinte te puna e babit ose në shtëpi dhe na kërcënonte dhe thoshte se do më vriste.

Rasti më i fundit ka qenë para 3 ose 4 ditësh që erdhi në shtëpi në Picar dhe na kërcënoi si familje. Kur vinte në shtëpi shumicën e herëve i dilte mami dhe përballej me të se mua kishin frikë të më nxirrnin. Para 1 muaji mami ka marrë urdhër mbrojtje nga ai për 1 vit.

Familja ime ka jetuar nën presion kaq muaj. Kam shkuar me babain tek gjykata dhe ja kam bërë të qartë Kudretit se unë fëmijët nuk i lë. Doja të takoja djalin t?i flisja. Aty ndodhi ngjarja?, ka thënë e reja para hetuesve./ CNA.al





Lajmet e fundit nga