web counter
LEXO PA REKLAMA!

SHKARKO APP

App Store
Google Play

Nuk kanë fund largimet te Kukësi, një tjetër futbollist shpall "divorcin"

30 Maj 2021, 07:42, Sport CNA

Skuadra e Kukësit rrezikon ta nisë gjithçka nga e para për sezonin e ri, pak a shumë siç ndodhi në muajin shtator të vitit 2020, kur pjesa më e madhe e lojtarëve u larguan. Pa një ide të qartë mbi të ardhmen e klubit si në projektin sportiv, ashtu edhe me financat që si rrallëherë kanë lënë për të dëshiruar, duket se tani Kukësi nuk është më një prej objektivave të dëshiruar në Superiore nga lojtarët.

Ndaj kanë filluar edhe lamtumirat e futbolliStëve që kanë qenë nën kontratë me verilindorët, mes të cilëve edhe të atyre që kishin marrëveshje edhe për vitin në vazhdim. Që nga e mërkura, nga klubi është larguar qendërmbrojtësi Mehdi Hetemaj, i cili iu bashkua në verën e kaluar Kukësit, Ai erdhi nga eksperiencat në kategoritë e ulëta në kampionatin austriak, por nuk arriti të linte shenjë në këtë sezon.

Kështu, Hetemaj ka luajtur në total vetëm 8 ndeshje me Kukësin, duke mos u preferuar si zgjedhje e parë në prapavijë gjatë kampionatit. Ndaj ai me marrëveshje ka ndërprerë kontratën që zgjaste deri në fund të edicionit të ardhshëm, duke mbyllur para kohe aventurën e tij te Kukësi.





Lajmet e fundit nga