E fundit!

13:43 Aktualitet

Mosfunksionimi i e-Albania lë sërish bizneset pa punë, bllokohen shërbimi SelfCare dhe aplikimet

Platforma e-Albania vijon të shfaqë probleme me mosfunksio...

Historia e jashtëzakonshme e portierit Mendi/ Nga i papunë në fitues i Champions-it, si ndryshoi jeta e tij në 7 vite

29 Maj 2021, 21:42, Sport CNA

Kurrë nuk duhet të dorëzohesh! Ky është mesazhi i historisë të jashtëzakonshme të portierit të Çelsëit, Mendi, i cili në vitin 2014-të ishte i papunë, ndërsa sot u bë ?gardiani? i parë afrikan, i cili arrin të fitojë Champions-in.

Duket si një përrallë, por historia e 29-vjeçarit është me të vërtetë e jashtëzakonshme! Në vitin 2014, ai ishte duke lënë futbollin. I liruar nga skuadra e tij në kategorinë e tretë në Francë (Sherburg). Merkatoja po mbyllej dhe agjenti nuk po u përgjigjej telefonatave të tij, sepse nuk donte që t?i thoshte që askush nuk e donte.

Me të dashurën e tij, e cila priste fëmijën e parë, ata nuk kishin para për të paguar qiranë e një apartamenti në periferi të Le Havër, ndërsa ai stërvitej pa pagesë në akademinë e një klubi lokal. Ishte 23 vjeç, viti kur shumë futbollistë janë në kulmin e karrierës së tyre. Dhe kur një shok i ofroi mundësinë për t?u bërë menaxheri i dyqanit të tij të veshjeve, Mendi, i cili kishte qenë një student i shkëlqyer, kujton se sa pranë ishte pranimit të asaj oferte. ?Por nuk u dorëzova kurrë?, ? kujton portieri që sot fitoi trofeun më të rëndësishëm në Europë për klube.

Tetë ditë pasi shoku o ofroi atë vend pune, Mendi mori një telefonatë nga Marseja që i ofronte shansin për të shkuar atje dhe bërë portierin e katërt. Ishte momenti kur gjërat ndryshuan. Atij iu ofrua një kontrate 1-vjeçare amatori me rrogë minimale. Luajti disa ndeshje me rezervat, por mjaftueshëm për t?i rënë në sy Reimsit në Ligën e Dytë dhe në sezonin 2016-?17 ishte portieri rezervë i tyre.

Fati i buzëqeshi pas vetëm 5 minutash në ndeshjen e parë të sezonit kundër Amjësë. Portieri titullar i Reimsit, Johan Karraso, doli me karton të kuq. Mendi e zëvendësoi, luajti mirë dhe fitoi më shumë minuta. Sezonin e ardhshëm, u bë numri 1 i Reims. Nuk pësoi gol në 19 ndeshje nga 38 javë kampionat dhe klubi u ngjit në Ligën e Parë.

Luajti çdo ndeshje në elitë në sezonin e tij të parë atje dhe pastaj iu afrua Ren, ku Peter Çeh kishte luajtur përpara se të transferohej te Çelsi. Mendi debutoi edhe me kombëtaren e Senegalit. Dhe në fillim të sezonit, kur Kepa Arrizabalaga po vuante në portën e Çelsit, dy vite pasi erdhi nga Bilbao, Çelsi njoftoi se kishte paguar 22 milionë te Ren për Mendinë. Gjithë kjo sakrificë e tij u shpërblye mbrëmjen e sotme me trofeun e Champions-it. ?Ky është leksioni që dua t?i mësoj tim biri. Që të mos dorëzohet kurrë si babai i tij?, u shpreh Mendi.