web counter
LEXO PA REKLAMA!

SHKARKO APP

App Store
Google Play

Igli Tare tani duhet të zgjedhë, tre emra interesantë për stolin e Lacios

30 Maj 2021, 17:26, Sport CNA

Pak vite më parë, refuzimi i Marcelo Bielsës shtyu Igli Taren të bënte lëvizjen e duhur duke i besuar Simone Inzagit stolin e Lacios. Tani, drejtuesi shqiptar duhet të bëjë një lëvizje thuajse të ngjashme pas vendimit të papritur të trajnerit për t?u larguar nga bardhekaltrit.

Alternativat nuk mungojnë, me shumë trajnerë të njohur që kanë bërë hapa para, pasi kërkojnë të provohen në futbollin italian që ka fituar më shumë shikueshmëri në vitet e fundit. Tare kohët e fundit ka patur kontakte me të paktën 3 emra shumë të njohur që mund të drejtojnë Lacion në të ardhmen.

Alternativa e parë është Mauricio Sarri, një zgjedhje që mund të ndihmojë Lacion në aspektin e lojës, pasi është e garantuar që me të, do të ketë një futboll më spektakolar. Emri i dytë, që i është propozuar në fakt nga menaxherët, është ai i Andre Vijash Boash. Portugezi kërkon të ringjallë karrierën e tij në stol dhe kësisoj, përfaqësuesit e tij kanë kontaktuar me Taren. Në fillim u fol për një mbledhje në Romë. Por më pas udhëtimi drejt kryeqytetit italian u anulua nga tekniku.

Emri i tretë është ai i francezit Kristof Galtier, i cili fitoi kampionatin me Lilën dhe tani është gati për një aventurë më të rëndësishme. Ndërkohë, mbeten hipoteza edhe Mihajloviç, Italiano, Mazarri e Nunjo Santo.





Lajmet e fundit nga