web counter
LEXO PA REKLAMA!

SHKARKO APP

App Store
Google Play

E fundit!

x

Prej 30 vitesh në televizion/ Gazetari ikonik jep mesazhin e veçantë në daljen e fundit

28 Maj 2021, 18:29, Aktualitet CNA

Gazetari ikonik i Zërit të Amerikës Ilir Ikonomi kishte daljen e fundit në televizion. Spikerin e njohur, nga nesër nuk do e shohim më në ekran pas 30 vjetësh.

Ai ka bërë me dije se ka plotësuar moshën e pensionit dhe për këtë arsye do largohet për të ndjekur pasione të tjera në jetë.

Me një mesazh të veçantë, Ikonomi ka kujtuar një nga ngjarjet më të rëndësishme në karrierën e tij, ndërsa ka uruar kolegët e tij për pasionin dhe punën e palodhur që kanë.

?Kjo është dita ime e fundit në Zërin e Ameikës. Pas kësaj unë dal në pension për të ndjekur pasione të tjera në jetën time. Pas pothuajse tre dekadash ndihem i priviligjuar që punova në një institucion kaq të respektuar që tradicionalisht njihet si zëri i të vërtetës. Por unë do të desha t?iu them ju të gjithëve, shikuesve tanë ju faleminderit për mundësinë që më dhatë për të hyrë në shtëpitë tuaja, për të folur hapur me ju, për të ndarë me ju lajmet nga Amerika dhe nga bota.

Në këto momente, kujtoj njërën nga ngjarjet më kulmore të karrierës time; 12 qershorin e vitit 1999, kur hyra në Kosovë pas trupave të NATO-s dhe raportova prej andej për Zërin e Amerikës me një telefon satelitor. Ngjarje si kjo dhe të tjera do të mbeten të pashlyera në kujtesën time.

Kur u krijuar Zëri i Amerikës rreth 80 vjet më parë, prezantuesi i saj tha disa fjalë monumentale, që ne i përmendim vazhdimisht, i përmendim si kredon tonë. Ai tha: ?Lajmet mund të jenë të mira për ne ose të këqija, ne do iu themi të vërtetën?. Të raportosh të vërtetën nuk është diçka e lehtë sepse kërkon guxim, kërkon shumë punë dhe unë besoj se gazetarëve të Zërit të Amerikës që punojnë jashtë ndërhyrjes nga qeveria mund tu njihet plotësisht kjo meritë. Prandaj them se për mua ka qenë një nder i veçantë?, tha Ikonomi./CNA.al





Lajmet e fundit nga