"Rizgjimi" i prokurorit të përgjithshëm/ Kërkon shtim të kompetencave?!

27 Maj 2021, 16:37, Aktualitet CNA

Prej kohësh e kemi parë Prokurorin e Përgjithshëm të shfaqet me mesazhe të shkurtra dhe shumë të drejtëprëdrejta që lidhen me hetime të thelluara e të shpejta për ngjarjet e fundit, pa lën pas dhe ato që kanë në thelb krimin zgjedhor.

Që pas emërimit të tij në krye të akuzës, Olsian Çelën e pame në rolin e administratorit të Prokurorisë së Përgjithshme pasi kaq i lejon ligji për funksionimin e organit qëndror të akuzës dhe aspak të jap deklarata publile për çështje konkrete.

Edhe pse Reforma në Drejtësi e bëri të vetën, çka nënkupton se ai mori çelësat e një institucioni të atakuar e të atakueshëm shpesh, Kryeprokurori i ri u pa me syrin e një administratori rigoroz të ligjit dhe një person që duhej të ndryshonte imazhin politik-plotë të paraardhësve.

Por nëse nuk përton të shfletosh kompetencat e caktuara për Prokurorin e Përgjithshëm, në një sistem tashmë të autonomizuar por edhe të decentralizuar, mund të vëresh disa elementë që kreu i akuzës i kërkon, edhe pse nuk i takon t’i kërkojë. Për shembull, Olsian Çela nuk ka të drejtë të kërkojë të dhëna mbi një çështje të caktuar në hetim. Madje ai me ngritjen e insitutcioneve të reja nuk ka të drejtë as në emërimet e drejtuesve të prokurorive. Thënë shkoqur ai përgjigjet vetëm për pjesën administrative të organit hetimor.

Por ?era e re? duket se ka nisur edhe aty ku mendohej se kish rënë qetësi.

Pas një ngjarje të rëndë kriminale, apo një raporti bombastik nga ndërkombëtarët, që dëshmojnë nivelin e lartë të korrupsionit dhe pastrimit të parave, shfaqet kryeprokurori.

Madje Çela shkoi deri aty sa pak ditë më parë i kërkoi Inspektorit të Lartë të Drejtësisë hetime të thelluara të punës së disa prokurorive. Bëhet fjalë për prokurorë që kanë kaluar në duar dosje të nxehta të krimit elektoral.

Sot ishte hera e parë që Olsian Çela në cilësinë e prokurorit të përgjithshëm duhej të raportonte përpara Këshillit të Lartë të Prokurorisë. Dhe në këtë cilësi ai duhej të pyetej nga të gjithë anëtarët e këtij këshilli (11 anëtarë) mbi mbarëvajtjen e emërimeve të prokurorëve pas shkundjes nga procesi i Vettingut.

Por ajo që mësuam është se askush nga 11 anëtarët e këtij Këshilli nuk ?guxoi? t?i drejtojë një pyetje të vetme Kryeprokurorit.

I vetmi që ngriti zërin ishte Gent Brahimi.

Pjesë nga fjala e Gent Ibrahimit

“Zotërinj, këtu kemi anëtarë të Këshillit që nuk guxojnë t?ju bëjnë juve pyetje. Ju flisni për rritje të kompetencave të Prokurorit të Përgjithshëm.

Prisja më shumë aktivitet nga ana e anëtarëve prokurorë se sa nga ata jo-prokurorë dhe për mua është edhe një argument që bie ndesh me pozicionin tuaj, për rishikimin e kompetencave për rritjen e rolit të Prokurorit të Përgjithshëm në emërimin e drejtuesve të prokurorive?

S?keni as një vit e gjysëm në detyrë. Ju keni aq shumë punë për të bërë?. Të paktën në otikën time, reforma ka dhënë rezultat të plotë sa i takon statusit të prokurorëve. Ende, nuk ka dhënë rezultat sa I takon, mbështetjes administrative të sistemit , logjistikës , financimit, marrdhënieve me policinë, mardhënieve me publikun.?

Brahimi nuk do të kursente ironinë kur vjen fjala tek kompentencat.

Thënë troc, Brahimi pranoi se në këtë fazë, nuk është koha për rishikim të linjave të varësisë. Ajo që ka interes është përqëndrimi i prokurorit të përgjithshëm tek ato cështje, të cilat për dekada e dekada, janë parë si të dorës së dytë. Pretendimet se policia nuk bashkëpunon me prokurorinë, janë tashmë anekdoda të 20 viteve të fundit.

Gent Brahimi

? Anekdodat që dëgjojmë lartë e poshtë, janë vërtet qesharake. Dëgjojmë nga prokurorë që në mes të procesit të hetimit , opgj I thotë: me fal po sot kam aksionin e mbledhjes së çadrave të paligjshme në plazh?./CNA.al