web counter
LEXO PA REKLAMA!

SHKARKO APP

E fundit!

x

"21 janari është krim historik"/ Ngjela kërkon hetim për dy persona

27 Maj 2021, 11:06, Politikë CNA

Avokat Spartak Ngjela ka komentuar vendimin për rinisjen e hetimeve të vrasjes së Aleks Nikës në protestën e 21 janarit 2011.

Ngjela tha për emisionin ?Breaking? se ai ishte një krim historik, për të cilin duhet hapur i gjithë procesi.

Sipas avokat Ngjelës, rihapja e këtyre dosjeve është një lajm shumë i mirë për të kthyer besimin e shqiptarëve tek Drejtësia.

Gjithashtu ai thekson se dy personat që duhet të hetohen janë ish-ministri i Brendshem, dhe ish-kryeministri Sali Berisha.

?Duhet të hapet i gjithë procesi, janë vrarë katër veta. Në një protestë ku nuk kishte përplasje mes shtetit dhe qytetarëve. Edhe sikur të kishte, nuk vriten njerëzit. Është krim historik. Hapja e gjithë këtyre proceseve është shenjë e mirë e luftës së drejtësisë kundër krimit dhe korrupsionit. Është diçka shumë e mirë, na jep besim. Se ky ka qenë një shtet i pushtuar nga krimi.

Pushteti gjyqësor shqiptar ka qenë i mbuluar nga krimi, vetë i përfshirë në krim përmes korrupsionit. Dalja e SPAK në skenë, e cila është e kontrolluar në funksion të drejtësisë, do ta ndërmerrte këtë hap. Se ajo është një ngjarje me efekt negative në histori. Do kemi ekspertizë ndërkombëtare, dhe do shohim një hetim profesional dhe ne shqiptarët të krijojmë kështu besim te drejtësia. Duhet të hetohet Berisha i pari dhe pastaj dhe ministri i Brendshem?-tha Ngjela./CNA.al





Lajmet e fundit nga