web counter
LEXO PA REKLAMA!

SHKARKO APP

App Store
Google Play

Balla: Mandati i tretë, një goditje për zyrtarët e korruptuar

27 Maj 2021, 11:21, Politikë CNA

Kryetari i Grupit Parlamentar, Taulant Balla është shprehur në Kuvend se mandate i tretë i PS është një mandat goditje shumë herë më i fortë për çdo zyrtar të korruptuar.

Balla komentoi edhe ankimimet e PD-LSI për zgjedhjet e 25 Prillit duke thënë se KAS po merret me procesin për të shqyrtuar çdo kërkesë dhe partive politike duhet të pranojnë verdiktin e popullit.

Ndër të tjera theksoi se do të fillojë puna për ngritjen e një komisioni të Posaçëm për vijimin e Reformës Zgjedhore dhe t?i jepet një zgjidhje votës së emigrantëve.

“Vendet që sot rankohen në krye të listës botërore me më pak korrupsion janë vende ku i gjithë procesi i aplikimit për leje të ndryshme bëhet online. Për PS edhe në këtë mandat të ri beteja jonë kryesore është beteja për të çliruar zyrat e shtetit nga ata individë të korruptuar që marrin para në këmbim të një shërbimi publik, ky mandat duhet të jetë një mandat i një goditje shumë herë më të fortë për çdo zyrtaruc të pandreqeshëm që se bën shërbimin publik si duhet. Transformimi i plotë i administratës së shtetit në shërbim të plotë dhe transparent ndaj shqiptarëve.

Procedurat ankimore që subjektet zgjedhore po marrin kohën e tyre dhe koha në dispozicion është pa limit dhe falë zotit çdo parti poltike nuk mund të ketë më gojë në fund të procesit të mos pranojë verdiktin e popullit. Verdikti i qytetarëve është brenda në kuti dhe ta respektojmë të gjithë. Ky ishte një proces tejet demokratik, në shtator sapo legjislatura e re të vijojë punë të punojmë së bashku për vijimin  reformës Zgjedhore të lën në mes. Të fillojmë punën për një komision të posaçëm të vijimit të Reformë Zgjedhore. Të bëhet implementimi i votës së qytetarëve që jetojnë jashtë vendit. Ne kemi kohë para që të garantojmë që në 2025 çdo qytetar shqiptar që jeton jashtë vendit të ketë mundësi të votojë”,- tha Balla./ CNA.al





Lajmet e fundit nga