E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Zgjedhjet në PD-Edith Harxhi prezanton programin/ “Fund emërimeve nga kryetari, kontribuesit të kthehen në parti”

27 Maj 2021, 08:03, Politikë CNA

Edith Harxhi, kandidatja për kreun e PD, ka prezantuar platformën e saj politike.

Fokus kryesor në platformën e saj, Harxhi ka reformimin e PD, bashkimin e partisë, heqjen e të drejtës së kryetarit për të bërë emërimet dhe rikthimi i çdo personaliteti e kontribuuesi që prej themelimit të Partisë.

?Ky program është përgatitur me dëshirën më të mirë për të reformuar Partinë Demokratike, për ta ringritur atë dhe për ta bërë fituese në një kohë sa më ta shkrurtër. Besoj se ky është programi më ambicioz dhe i djathtë që është paraqitur deri më sot nga një kandidat për Kryetar të një partie politike në Shqipëri.

Ky program është një projekt i ri mbi parimet dhe vlerat e ?90-ës dhe shënon nisjen e një dekade të re në politikën Shqiptare. Bazat e këtij programi janë: ideologjike, statutore- strukturore dhe politike. Partia jonë ka nevojë për një transformim të thellë.

Sot kemi mundësinë që, njësoj si në vitin 1990, 1992 dhe 2005, të ngrihemi në lartësinë që kërkojnë qytetarët shqiptarë dhe sfidat e mëdha të së ardhmes së kombit tonë, në çdo trevë shqiptari. Partia Demokratike, duke adresuar problemet ideologjike dhe strukturore që ka, shumë shpejt do të rikthehet në forcë qeverisëse e vetme?, shprehet zonja Harxhi.

Disa nga propozimet e Edith Harxhit për një Parti Demokratike fituese:

Partia Demokratike t?iu kthehet anëtarëve të saj dhe t?i shërbejë interesit qytetar;

Të vendosen debati dhe konkurrenca e lirë brenda Partisë;

T?i jepet fund emërimeve nga ana e Kryetarit apo Kryesisë së Partisë;

Të mundësohet decentralizimi dhe autonomia e degëve të Partisë nëpër qarqet e vendit.

Të ndodhë bashkimi i Partisë rreth vlerave dhe parimeve të djathta dhe rikthimi i çdo personalitetit e kontribuesi, që prej themelimit të Partisë dhe atyre që e konsiderojnë Partinë Demokratike shtëpinë e tyre. Kështu, do të arrijmë një ringritje, bashkim dhe forcim të së djathtës shqiptare;

Të pranohen të rinjtë shqiptarë dhe kontributi, idetë dhe vizioni i tyre të jenë pjesë e programit qeverisës. Forumi Rinor dhe Lidhja Demokratike e Gruas duhet të ketë të drejta si gjithë anëtarësia e Partisë dhe anëtarët e FRDP-së dhe LDGSH-së të jenë anëtarë partie. Në kohën e inteligjencës artificiale, idetë e reja dhe vizioni për të ardhmen duhet të jenë pjesë e rëndësishme e Partisë Demokratike.

Gjithashtu, Partia duhet të ketë një Akademi Politike funksionale, e cila do të trajnojë brezin e ri të politikanëve të djathtë.

Të pranohen të gjithë anëtaret e Lidhjes Demokratike të gruas anëtare me të drejtë vote të barabartë si gjithë anëtarët e tjerë të Partisë./CNA.al