E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

“Qeveria po zapton institucionet e medias”/ 8200 shoqata të gazetarëve ngrihen në këmbë

27 Maj 2021, 05:55, Politikë CNA

Nisma e Partisë Socialiste për të emëruar anëtarët të Autoritetit të Mediave Audiovizive, ka ngjallur reagime.

Një reagim ka ardhur edhe nga Rrjeti i Gazetarëve të Sigurtë (Safejournalists) që përfaqëson shoqatat ku bëjnë pjesë 8200 gazetarë në të gjithë Ballkanin.

Sipas shoqatave të gazetarëve, plotësimi i vendeve vakante në AMA, nga deputetët e parlamentit aktual me opozitën false, rrezikon ta kthejë këtë institucion nën kontroll të plotë të partisë në pushtet.

Në deklaratën për media të Rrjetit të Gazetarëve të Sigurtë, thuhet se një nismë e tillë e PS, pa kontributin e opozitës reale, është e rrezikshme për lirinë e mediave në Shqipëri.

?Përpjekja për të plotësuar vendet e lira në bordin e Autoritetit të Mediave Audiovizive në Shqipëri do të bëhet me mbështetjen e ?opozitës parlamentare? aktuale, e cila është vetëm një opozitë formale.

Duke marrë parasysh këtë sfond, plotësimi i vendeve të lira të një institucioni thelbësor të pavarur siç është Autoriteti i Mediave Audiovizive rrezikon të vendosë atë, në kontrollin e maxhorancës aktuale?,- thuhet në deklaratë.

Shoqatata e gazetarëve shkojnë edhe më tej, ndërda paralajmërojnë se për shkeljet e fundit që po ndodhin në Shqipëri do të informojë institucionet ndërkombëtare dhe shoqatat e mediave.

Ato kërkojnë që plotësimi i 4 vendeve vakante në AMA të bëhet vetëm pasi të jetë funksional parlamenti i ri, i dalë nga zgjedhjet e 25 prillit.

?Ne i bëjmë thirrje Qeverisë dhe Parlamentit të shtyjë plotësimin e vakancave pasi parlamenti i ri të fillojë punën e tij në shtator 2021 dhe të sigurojë përbërjen jo-partiake dhe pavarësinë e institucioneve kryesore siç është Autoriteti i Mediave Audiovizive. Rrjeti i Gazetarëve të Sigurt (Safejournalists) do të informojë të gjithë palët e interesuara përkatëse kombëtare dhe ndërkombëtare për rastin.

? Çdo sulm ndaj gazetarëve është një sulm ndaj interesit publik, demokracisë dhe të drejtave të të gjithë qytetarëve?,- thuhet në deklaratën për mediat./CNA.al