web counter
LEXO PA REKLAMA!

SHKARKO APP

App Store
Google Play

“Ballkani zonë risku”/ Media gjermane: Kryeministri i Shqipërisë sulmon Jens Spahn

26 Maj 2021, 12:01, Politikë CNA

Kritikat që kryeministri Edi Rama ka drejtuar për ministrin Gjerman të Shëndetësisë, Jens Spahn, për një deklaratë të këtij të fundit lidhur me udhëtime jashtë vendit dhe Ballkanin, kanë bërë jehonë edhe në median gjermane, WELT.

?Sipas ministrit të Shëndetësisë, Jens Spahn vizitat në Turqi dhe Ballkan verën e kaluar ishin përgjegjëse për një rritje të konsiderueshme të infeksioneve të reja në Gjermani.

Kryeministri shqiptar dhe komuniteti turk kanë reaguar të indinjuar?-raporton WELT.

Më tej, media gjermane citon deklaratën e kryeministrit Edi Rama, i cili është shprehur se është ?Skandal që një ministër gjerman denoncon publikisht Ballkanin dhe kështu gjithashtu zhvlerëson njerëzit me një sfond migrimi. Unë nuk do të lejoj që Shqipëria të portretizohet si një zonë rreziku për udhëtimet e pushimeve, nuk ka shifra për ta provuar këtë. Një ministër gjerman i shëndetësisë duhet të kujdeset për vaksinimin e popullsisë gjermane dhe të mos zgjojë pakënaqësi stereotipike kundër Ballkanit në mënyrë që të mbrojë një rekord tdukshëm të keq?.

?Nga ana tjetër, edhe nënkryetari i komunitetit turk, Serhat Ulusoy, ishte gjithashtu i zemëruar.

Spahn kishte thënë për “Bild” se “udhëtimet jashtë vendit, shpesh vizitat te të afërmit në Turqi dhe Ballkan, herë pas here  shkaktonin rreth 50 përqind të infeksioneve të reja. Kjo duhet të parandalohet këtë vit.?

Prandaj ai donte të përfundonte marrëveshje me Turqinë mbi provat e hyrjes dhe daljes në një fazë të hershme.?-shkruan media gjermane.





Lajmet e fundit nga