E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

SHBA e shpalli non-grata/ Arben Malaj këshilla Berishës, mesazh qeverisë dhe opozitës

26 Maj 2021, 08:45, Politikë CNA

Ish-ministri i Financave në qeverinë e socialistëve, Arben Malaj ka komentuar situatën brenda Partisë Demokratike, zgjedhjet për kryetarin e ri si dhe vendimin e DASH, për të shpallur non-grata ish-kryeministrin Sali Berisha.

Në një postim në rrjetet sociale, Malaj shkruan se ka ardhur momenti që Berisha të distancohet tërësisht nga PD-ja dhe se ka përgjegjësinë morale ndaj shqiptarëve që të këpusë sa më parë këtë pengamrrje që sipas tij i ka bërë PD-së, qoftë edhe në mënyrë jo të drejtpërdrejtë.
Po ashtu ai shkruan se disa kandidatë përballë Bashës kanë në qendër të platformave të tyre besnikërine ndaj Berishes dhe radikalizimin e opozitës si kur shprehen edhe kur heshtin.

Po ashtu ai shigjeton edhe qeverinë, ndërsa shkruan se lidhja me krimin është përkeqësuar dhe se kapja e shtetit është në nivele kërcënuese.

Gjithashtu ai i drejton mesazh qeverisë dhe opozitës , ku shkruan se mbështet publikisht cdo bashkëpunim opozitë-mazhorance që lehtëson integrimin në BE.

?Mirëmëngjesi, i vetë-dijshëm për impaktin që kanë partitë politike në jetën e cdo shqiptari, po ndaj me ju disa ide për zgjedhjet brenda PD-së.
1. Disa kandidatë përballë Bashës kanë në qendër të platformave të tyre besnikërine ndaj Berishes dhe radikalizimin e opozitës si kur shprehen edhe kur heshtin.
2. Kjo nënkupton se ata konfirmojnë se PD është një parti e mbetur peng.
3. Berisha ka përgjegjësinë edhe morale ndaj shqiptarëve që ta këputi sa më parë këtë pengmarrje, qoftë edhe jo të dpd.
3.1 – Kjo fillon duke u vetë-shkëputur përfundimisht nga cdo angazhim aktiv në PD dhe politikën shqiptare.
3.2 Hapi i parë – vetë-largimi nga cdo strukturë drejtuese e PD-së.
3.3 Duke e vetë dorëzuar mandatin e deputetit. Sfida e Berishës pas vendimit të Departamentit të shtetit, nuk do të jetë ligjore por thellësisht morale.
3.4 Duke mbështetur publikisht cdo bashkëpunim opozitë-mazhorance që lehtëson integrimin në BE.
Berisha mund të mësoi/ndjek shëmbullin e Berluskonit që nga një euroskeptik, është sot një mbështetës i fortë i BE-së.
4. Cdo sfidë në jetë sidomos në angazhimet publike e politike është legacy/trashgimnia, cfarë pasurie jo materiale i lë familjes tënde, partisë politike dhe institucionit që ke drejtuar.
Personalisht kam pasur përballje të vështira në publik dhe në gjykata kundër akuzave të Berishës.
Kam gjyqe të fituara, por nuk vrapoj të gëzoj kur një politikan dështon.
Trishtohem që kultura jonë politike nuk po ndryshon pozitivisht.
Lidhja me krimin është përkeqësuar.
Kapja e shtetit është në nivele kërcënuese.
Frikësimi i oponencës publike dhe sidomos blerja e heshtjes së personaliteteve publike dhe shoqërisë civile na rikujton thënien ndërgjegjësuese të Albert Aishtajnit se : “Bota nuk është një vend i vështirë për të jetuar jo sepse ka njerëz të këqinjë, por sepse njerëzit e mirë nuk reagojnë ndaj njerëzve të keqinjë.
Ditë të mbarë!?-shkruan Arben Malaj./ CNA.al