web counter
LEXO PA REKLAMA!

SHKARKO APP

App Store
Google Play

E fundit!

x

Mandati i tretë i Ramës/ Bushati dhe Haxhiu me qëndrime të kundërta

25 Maj 2021, 19:59, Politikë CNA

Analisti Andi Bushati parashikon që gjatë mandatit të tretë pushteti i kryeministri, Edi Rama do të forcojë më tej autoritarizmi. Këtë gjë tha z. Bushati e ka treguar që në veprimet e para pas fitores më 25 prill.

?Arroganca do të jetë më e shtuar dhe autoritarizmi do të jetë më i fortë. Shenja e parë, menjëherë pasi u certifikua fitorja, u ngrit  komisioni hetimor për të shkarkuar Presidentin. Tentativa për të kapur organet e kontrollit të mediave, sërish një dozë për të rritur dozën e autoritarizmit?, tha z. Bushati.

Krejt ndryshe ishte mendimi i analistit, Baton Haxhiu, sipas të cilit gjatë katër viteve të ardhshme qeveria ?Rama? do të tregojë përgjegjësi të lartë dhe do të fokusohet tek realizimi i disa projekteve kryesore për zhvillimin e vendit.

?Do të jetë mandati i përgjegjësisë maksimale. Hapja e derës për negociata do të ndodhë dhe kur hyn brenda ke dhe disa obligime. Objektivi është superfuqi energjetike në Ballkan. Fuqizimi i reformës në drejtësi që është detyrim. 5 projektet e mëdha, apo 6 që i japin fuqinë Shqipërisë të një vendi që ka potencial të investimeve. Tri porte, aeroporti i Vlorës, autostrada e Adriatikut, tuneli Sarandës dhe Llogarasë dhe pastaj rruga e Arbrit që do të përfundojnë gjatë mandatit?, deklaroi z. Haxhiu.

Por sipas z. Bushati forcimi i pushtetit të kryeministrit Rama nuk do të shoqërohet me forcimin e ekonomisë së Shqipërisë. Ai solli krahasimin me atë që ka ndodhur në Turqi me Erdoganin.

?Duhet të jesh shumë optimist të besosh tek ëndrra e një njeriu dhe ekipi që nuk e kanë bërë këtë për 8 vite. Shikoni Erdoganin, sa më shumë regjimi ka shkuar drejt autoritarizmit aq më pak suksese ka pasur. Tek teza që kapitalizmi bëhet më i zhvilluar pa demokraci e kam të vështirë ta pranoj?, tha z. Bushati./ Euronews Albania





Lajmet e fundit nga