web counter
LEXO PA REKLAMA!

SHKARKO APP

App Store
Google Play

E fundit!

x

Në garë për kreun e PD/ Shehaj sqaron tre elementët kryesorë të platformës së tij

25 Maj 2021, 18:04, Politikë CNA

Kandidati për kreun e PD Agron Shehaj ka shpalosur platformën e tij për partinë që ai kandidon. Sipas tij, janë tre element kryesore që do të forconim Partinë Demokratike.

Përsa i përket zërave brenda dhe jashtë partisë Demokratike që kanë folur ai shprehet se do të zhvillojë fushatën pa u ndikuar tek të tjerët.

?Unë do bëj fushatën timë për kryetar si kandidat, nuk ndikohem për çfarë mendojnë dhe çfarë thonë. Unë do them çka mendoj?, u shpreh Shehaj.

I ftuar në emisionin e Frontline në News 24 ai u shpreh se përgjegjësia e liderit është elementi kryesor në platformën e tij. Më pas ishte vota brenda partisë dhe së treti përfshirja e anëtarëve nëpërmjet një platforme elektronike.

?3 janë elementet kryesore. E para është siç thashë përgjegjësia e liderit, kjo është shumë e rëndësishme. Ndikimi i lidershipit në fitore e humbje është shumë i rëndësishëm. Edhe përgjegjësia, raporti i liderit me humbjen dhe fitoren është i rëndësishëm. Nëse lideri i PD humb zgjedhjet, jep dorëheqjen. Elementi i parë kjo.

Elementi i dytë është votimi dhe vota brenda PD. Lista e kandidatëve për deputet e PD duhet të vendoset nga anëtarët, me një anëtar një votë, jo me votë përjashtuese, por si votohet në përgjithësi, secili kandidatin e preferuar. Kush merr më shumë, përfaqëson shqiptarët në parlament.

E treta, përfshirja e anëtarëve me platformë elektronike, do ishte përfshirje më e shpejtë e anëtarësisë, duke futur dhe referendumin e brendshëm me vendimet e PD qofshin kombëtare e apo lokale. Këto janë tre elementet kryesore që do e forconin PD. PD bëhet e fortë nëse tërheq njerëzit më të mirë dhe më të aftë, këtë e kuptojnë nëpërmjet votës e garës, ne mund të bëjmë që PD të bëhet e fortë?, u shpreh Shehaj./ CNA.al





Lajmet e fundit nga