E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

3 Maqot e Lulit dhe Luli i Maqove në krye

25 Maj 2021, 18:21, Politikë CNA

Tashmë në “garën” për kryetar të PD, janë rregjistruar 4 persona.

Fatbardh Kadilli ishte i pari që vendosi gurin në rradhën e kandidaturave, me nxitimin e njeriut që ka frikë mos mbaroheshin biletat.

Fatbardh Kadilli të paktën deri 12 orët e fundit nga shpallja e listave për kandidatë për Deputet, konsiderohej si njeri i afërt i Lulzim Bashës. I dërguar prej tij në disa degë PD-je.

Pa asnjë orientim mbi terrenin, organizimin e partisë dhe mënyrën e të bërit fushatë kundra kundërshtarit politik, papritur Fatbardh Kadilli, u gdhi një ditë si ëndërrues i postit të Kryetarit të PD!!

Sidoqoftë që prej atij momenti, Luli Basha ndihej i qetë. 1 “kandidat” e kishte siguruar. Çertifikimi i garës ishte i sigurtë, ndaj mund te vijohej me të tjerat. Platforma e Kadillit u lexua aq keq saqë të gjithë besuan se edhe atij dikush duhet tja kish vënë ta lexonte sekondën e fundit, pa të drejtë ndryshimesh.

Teza me ndryshime kushtetute e kodesh zgjedhore, që flisnin për halle të pazgjidhura të Lulit, por nuk flisnin për Fatbardhin.

Dalja me subjekte zgjedhore më vehte në zgjedhjet e 25 Prillit, kish bërë të pamundur kandidimin e Jozefina Topallit nga grupimi për shpëtimin e PD. Zëvendësuesja duhej femër ndaj Edit’h Harxhi mund të shtonte kortezhin e kandidaturave të nevojshme për plotësimin edhe të kuotës gjinore. Askush nuk e konsideron zonjën Harxhi si njeri që ka besuar ndonjëherë se dikush e ka pare si kryetare e ardhshme e PD. Edit’h Harxhi nuk ka në karrierën e saj asnjë përballje me përfaqësues të kundërshtarit politik, ku të ketë fituar Edit’hi. Të përfytyrosh pastaj që dikush që nuk mund dot në debat Elisa Spiropalin, të copëtojë Edi Ramën është humor zgjedhor.

Por partia ka vend edhe për nënkryetarët. Dhe kështu vendi i Jozefinës mund të plotësohej kollaj nga Edit’hi, pas rizgjedhjes së Lulit nga Edit’hi.

Platforma e kthimit të PD në ’91-shin pastaj, mund të justifikojë gjithshka në stilin e Edit’hit, por të besosh që PD duhet të fillojë të mendoje si në 1991- shin, kur jemi ne 2021, do të thotë të jetosh në nje realitet të ngecur diku mes kujtimeve të rinisë së humbur.

PD e 2021-shit duhet të ndjekë Shqipërinë e 2021, ndryshe fiton Rama qe po përfytyron Shqipërinë e 2025-ës.

Por nësë PD dikur ka pasur një grua nënkryetare, ka pasur efhe nënkryetar ndaj do të duhej edhe një burrë i “sprovuar”.

Edit’h Harxhi plotëson fuqishëm kriterin e Berishianes ndaj nënkryetari tjetër do të duhej Bashist.

Dhe si me magji, me stilin: “as Luli nuk e dinte”, “i ra si bombë”, “e mori vesh nga mediat” etj, si këto, që janë imitime të shëmtuara të skemave të Berishës, u shfaq Agron Shehaj.

Ortak me kunatin e Luli Bashës, ndaj edhe për këtë fakt i pabesueshëm si rezervues surprizash për Kunatin e Kunatit, Agron Shehaj, ish-deputeti i Bashës që në daljen e tij të parë në foktoren e Kuvendit gajasi gjithë dynjabë, papritur edhe ky njoftoi për ëndrrën që kish ca dit që e linte pa gjumë.

Dhe deklaroi kandidaturën për kryetar. Me një fjalor të varfër, që kultura e të ndjerit biznesmen i fuqishëm në një vend të varfër, ja ka tharë edhe më shumë si kartë paraje. Portalet pranë Bashës, nxituan të sqarojnë të vetët, që Goni nuk kandidonte vërtetë për kryetar. Por ishte çun yll për nënkryetar.

Dikur Edi Rama kishte rival Maqon. Luli ka zgjedhur 3 Maqo.

Ajo që bie në sy është se të gjithë po ja kërkojnë listat e anëtarësisë Lul Bashës. Kur posti që mbante deri 12 orë përpara shpalljes së listave për deputet, ja garantonte Kadillit, disponimin mbi listat.

Me detyra si sekretar në PD, minimumi ka përgjegjësinë e mungesës së databazës së anëtarësisë.

Të paktën për këtë pjesë mund të ndajë fajin me Lulin. Mbase për ta deturuar të ndreqë gabimin pas “garës” Luli si udhëheqës perëndimor që nuk mban inate ndaj Maqove, mund ta bëjë Sekretar të Përgjithshëm.

Dhe meqë “platformat” janë shkruar nga e njëjta dorë, Luli do i marrë gjith platformat e do i bëjë bashkë për tua shitir demokratëve si platformë bashkimi.

Pastaj anëtarësia do hedhë valle nëpër lista.

Sa për “kandidaturat”, as Maqot e Lulit dhe as Luli i Maqove, nuk është “Edi Rama” që i duhet PD-së.

Ndaj demokratët po ndjekin me indiferencë gjithë garën e konferencave të shtypit të Maqove.

Ndërkohë Rama po punon për Zgjedhjet lokale. Atij i duhet vetëm Luli./CNA.al