Shano: Basha nuk ka aftësi për të ndryshuar, PD mori më pak vota se në 2013-n

25 Maj 2021, 18:36, Politikë CNA

Dritan Shano, anëtar i Këshillit Kombëtar të Partisë Demokratike thotë se i shikon me shqetësim zgjedhjet brenda partisë. Ai thekson se gara nuk është reale dhe shton se gjithçka duket si një betejë për vulën.

?Kryetari (Basha) hyn në garë si kryetar në ketë sprint 100 metra, ku kryetari e nis garën tek metri i 90. Kjo përbëjnë shqetësim dhe kjo më çon të them se nuk ka garë. Një garë që nuk fillon në kushte të barabarta nuk quhet as garë?, deklaroi z. Shano.

Në intervistën për Euronews Albania, ai u shpreh se nevojitet së pari një analizë e brendshme për të kuptuar se përse PD nuk arriti të fitonte zgjedhjet e 25 prillit. Z. Shano e cilësoi të pavërtetë pretendimin e z. Basha se PD është rritur.

?Dëgjova z. Basha në Berat, ku ai thotë se ne kemi dalë më të fortë nga zgjedhjet e 25 prillit. Unë jam pak njeri i shifrave, përveç të tjerave dhe nuk më rezulton se ne kemi dalë më të fortë. Përkundrazi ne më 25 prill kemi arritur që të kemi votat tona në kuti më pak se sa në vitin 2013 kur shqiptarët në mënyrë kategorike e çuan PD në shtëpi si një forcë politike të korruptuar në qeverisje?, tha ai.

Për Dritan Shanon z. Rama ka bërë gjithçka për të fituar zgjedhje duke përdorur të gjithë elementët shtetërorë në fushatë dhe të gjithë elementët e manipulimit të votës para datës 25 prill. Por, pavarësisht kësaj sipas tij PD nuk arriti të fitonte pasi nuk ia doli që t?u fitonte zemrat shqiptarëve dhe bën thirrje për të ndryshuar.

?PD sot ka nevojë që të jetë demokratike, nuk është një betejë për partinë por për vulën. Është e konceptuar që vula të mos ndërroi dorë. PD është krijuar që të sjellë demokracinë në këtë vend, që ka një trashëgimi shumë të egër diktatoriale, pra një kult të njëshit. PD nuk mund t?i shmanget kësaj dhe kjo është arsyeja pse nuk e ka zemrën e shqiptarëve?, deklaroi anëtari i Këshillit Kombëtar të PD.

Ndonëse e shikon të paracaktuar që Basha do të mbetet sërish në krye të PD, z. Shano thekson se në tetë vite në krye të partisë kryetari ka treguar se nuk ka se çfarë t?u ofrojë më shqiptarëve.

?Basha nuk ka aftësi për të ndryshuar, nga 2013 deri në 2021 nuk kam parë asgjë ndryshe. Gjithçka ka qenë identike dhe unë besoj se ai e ka shteruar atë që mund t?u ofrojë shqiptarëve. Nuk mund të biem në kurthin e asaj ?mirë iku por kush do të vijë?. Në PD ka aq shumë njerëz dhe përtej tre kandidatëve që mund ta drejtojnë PD. Unë e imagjinoj PD si një lumë që rrjedh dhe jo si një pellg. Pengu nuk i duhet askujt, askush nuk e fut gotën aty?, përfundoi z. Shano./euronews