web counter
LEXO PA REKLAMA!

SHKARKO APP

App Store
Google Play

E fundit!

x

“Bashkohu për misionin historik të Shqipërisë në OKB”/ Xhaçka thirrje qytetarëve

26 Maj 2021, 13:33, Politikë CNA

Ministrja e Jashtme Olta Xhaçka nëpërmjet një postimi në rrjetet sociale ju ka bërë thirrje të gjithë qytetarëve të bahskohen për misionin e Shqipërisë në OKB.

Sipas saj, Shqipëria pritet të zgjidhet anëtare jo e përhershme e Këshillit të Sigurimit të OKB-së për periudhën 2022-2023, gjatë mbledhjes së Asamblesë së Përgjithshme të OKB që do të mbahet më datë 11 qershor 2021.

Xhaçka ftoi gjithashtu të gjithë shqiptarët jashtë trojeve tona të aplikojnë e të konkurojnë për tu bërë pjesë e skuadrës kuqezi në Këshillin e Sigurimit të Kombeve të Bashkuara.

?Bashkohu për misionin historik të shqipërisë në OKB.

Më datë 1 janar 2022, Shqipëria do të ketë vendin në forumin më të lartë të vendimarrjes globale, në Organizatën e Kombeve të Bashkuara.

Zgjedhja e Shqipërisë si anëtare jo e përhershme e Këshillit të Sigurimit të OKB-së për periudhën 2022 ? 2023, është momenti më historik në 65 vitet e anëtarësimit të vendit tonë në këtë organizatë,

Duam që Shqipëria të prezantohet në Këshillin e Sigurimit me një “Dream Team”; një skuadër profesionale të nivelit më të lartë.

Të gjithë ata e ato, shqiptarë e shqiptare, brenda ose jashtë vendit dhe sidomos në SHBA, që me shumë punë e mund kanë arritur të ndërtojnë karriera të suksesshme, i ftojmë të aplikojnë e të konkurojnë, për tu bërë pjesë e skuadrës kuqezi në Këshillin e Sigurimit të Kombeve të Bashkuara?, ka shkruar Xhaçka./ CNA.al





Lajmet e fundit nga