web counter
LEXO PA REKLAMA!

SHKARKO APP

App Store
Google Play

Sot nis zyrtarisht fushata në PD/ Kandidatët takime me degët

24 Maj 2021, 08:51, Politikë CNA

Sot nis zyrtarisht fushata zgjedhore në Partinë Demokratike. Në garë për të marrë drejtimin e kësaj partie janë kreu aktual Lulzim Basha, Fatbardh Kadilli, Edith Harxhi dhe Agron Shehaj.

Zyrtarizimi i katër kandidatëve u bë ditën e djeshme nga Kryesia, duke përjashtuar ish kreun e PD Kukës Ibsen Elezi.

Me mbylljen e procesit të dorëzimit të kandidaturave, kandidatët do të nisin takime në 61 degët e PD për të prezantuar platformat e tyre dhe kanë afat deri më 11 qershor.

Gjatë mbledhjes, Edi Paloka, Edmond Spaho dhe Sekretari i Përgjithshëm, Gazmend Bardhi kanë firmosur rregulloren me 27 pika, e cila do të zbatohet gjatë zgjedhjeve të 13 qershorit për postin e kreut të PD. Për çdo paqartësi lidhur me çështjet e trajtuara në këtë Udhëzim, ankimimet i adresohen Komisionit Zgjedhor, i cili merr rast pas rasti vendimet përkatëse.

Zgjedhjet do të zhvillohen më 13 qershor, më shumë se një muaj para afatit të parashikuar që ishte 22 korriku. Në krye të Komisionit për zgjedhjen e kryetarit të ri është Jemin Gjana, ndërsa anëtarësia përbëhet nga Albana Vokshi, Belind Këlliçi dhe Çlirim Gjata. Ndihmësat do të jenë Mimoza Hasekiu, Albert Avduli, Gjoke Vuksani, Ervin Minarolli dhe Lulzim Omuri./CNA.al





Lajmet e fundit nga